Onlain formatynda ötken şaraǧa Pavlodar oblysynyŋ äkımı Äbılqaiyr Sqaqov qatysty.
Aimaq basşysy konferensiia qatysuşylaryna sättılık tılep, Abai mūrasyn därıpteu, nasihattaudyŋ maŋyzdylyǧyn atap öttı.
- QR Ükımetınıŋ qaulysymen 10 tamyz Abai künı bolyp bekıtılıp, merekeler küntızbesıne engızılgenı belgılı. Pavlodar oblysynda mereitoiǧa orai 200-den astam şara bekıtıldı. QR Prezidentı Qasym-Jomart Kemelūly Toqaev «Abai jäne HHI ǧasyrdaǧy Qazaqstan» atty maqalasynda «Adamnyŋ özın-özı tanuy jäne ünemı damyp otyruy, ǧylymǧa, bılımge basymdyq beruı – kemeldıktıŋ körınısı» degen bolatyn. Abai älemı būl - älemdık deŋgeide ülken sūranysqa ie bolǧan şyǧarmalar. Jas ūrpaqty Otandy Abaişa süiuge üiretuge tiıspız. Jüsıpbek Aimauytov atyndaǧy qazaq muzykalyq drama teatrynda Mūhtar Äuezovtıŋ «Jas Abai» qoiylymynyŋ premerasyn arnaiy baryp tamaşalap, jaqsy äser aldym. Sol üşın teatr ūjymyna jeke alǧys aitamyn. Sondai-aq oblysymyzdyŋ auyldaryn aralap, «Auylǧa Abai keldı» jobasy boiynşa oquşylarmen jäne jastarmen kezdesu ūiymdastyrǧan jyrşy Daniial Äsenovke alǧys aitamyn. Biyl Abai Qūnanbaiūlyna arnalǧan eskertkıştı saltanatty türde aşamyz. Būl - köpşılık üşın köpten kütken eleulı, erekşe oqiǧa, - dep atap öttı oblys äkımı Äbılqaiyr Sqaqov.
Toraighyrov University ūiymdastyrǧan ǧylymi-praktikalyq konferensiiaǧa Qazaqstan, Türkiia jäne Resei elınıŋ ǧalymdary qatysyp, «Hakım Abai – älemdık örkeniet fenomenı» atty taqyrypta tūşymdy oilarymen bölıstı. Jalpy, onlain konferensiiaǧa Zoom platformasy arqyly 100 adam qatysyp, ǧalymdardyŋ oi-pıkırlerın tyŋdady.
Ǧalymdardyŋ aituynşa, Abaidyŋ şyǧarmaşylyǧy men eŋbekterınıŋ arqasynda qazaqtyŋ körkemdık jaǧynan bai auyzşa jäne jazbaşa ädebietı, eŋ keremet folklorlyq, epostyq, jarqyn muzykalyq, poetikalyq jäne filosofiialyq mūralary bükıl älemge ūsynyldy. Bügıngı taŋda Abai beinesı qazaq halqynyŋ eŋ jaqsy qasietterın beineleidı. Onyŋ moraldyq-etikalyq közqarastary bügın qaitadan özektı bolyp, qoǧamdyq sanany qaita qūrudyŋ negızıne ainaldy.
Sondai-aq konferensiia barysynda Almaty qalasy Ş. Uälihanov atyndaǧy tarih jäne etnologiia instituty, tarih ǧylymdarynyŋ doktory, professor Ziiabek Qabyldinov, Qazan federaldyq universitetı «tatar ädebietı» kafedrasynyŋ professory, filologiia ǧylymdarynyŋ doktory Liaila Mingazova, Türkiia elı Muğla Sıtkı Koçman universitetınıŋ professory Ekrem Ayan jäne taǧy basqalary söz söiledı.
“Adyrna” ūlttyq portaly