Shymkent qalasynda mádenıet, tilderdi damytý jáne arhıvter salasyn damytý masatynda 2020-2024 jyldarǵa arnalǵan tujyrymdamasy ázirlendi. Onda 2022 jylǵa deıin qalanyń quramdas bólikteri men ataýy joq jáne qaıtalanatyn kóshelerge tolyǵymen jańa ataý berý josparlanyp otyr.
Jobany iske asyrý barysynda qalanyń mádenıeti men ónerin shetelderge tanystyrý úshin basqa óńir mekemelerimen yntymaqtastyq memorandýmdaryn túzý qolǵa alynǵan. Bul turǵyda 2021 jyly «Túrki áleminiń Ulttyq Delfıı oıyndary» ótkiziledi dep kútilýde.
Mádenıet, tilderdi damytý jáne arhıvter basqarmasy mamandarynyń aıtýynsha, tujymydamanyń iske asýy nátıjesinde turǵyndardyń mádenı is-sharalarǵa qatysýy 30%-ǵa artyp, mýzeıler sany úshke, konerttik uıymdar sany ekige, mádenıet saraılarynyń sany 12-ge deıin artady.
Sondaı-aq, múmkindigi shekteýli jandardyń qol jetimdiligi qamtamasyz etilgen mádenıet nysandarynyń úlesi men turǵyndardyń mádenıet ınfraqurylymdaryna qoljetimdiligin 100 paıyzǵa jetkizý josparlanyp otyr.
Budan ózge, til máselesinde memlekettik tildi meńgergen turǵyndardyń úlesin – 94,3%, orys tilin meńgergen turǵyndardyń úlesin – 87,8%, aǵylshyn tilin meńgergen turǵyndardyń úlesin – 24,4% arttyrý kózdelgen.
Bul tujyrymdamada qala turǵyndarynyń mádenı-tarıhı, kórkemdik-estetıkalyq, rýhanı qundylyqtaryn jetildirýdegi negizgi baǵyttar kórsetilgen.
Shymkent qalasy ákiminiń baspasóz qyzmeti
