Qazaqstanda bırazdan berı ündemei jürgen bilıktıŋ būrynǧy “būlbūly” Ermūhamet Ertısbaev kezınde Qazaqstannyŋ Belarustegı elşısı bolǧan. Sol Ertısbaev YouTube-tegı “Talap” kanalyndaǧy onlain-konferensiiada Belarustegı qazırgı jaǧdaiǧa qatysty özınıŋ közqarasyn bıldırgen eken, dep habarlaidy “Adyrna” Dalanews.kz-ke sılteme jasap.
Būl oraida Ertısbaev Qazaqstan prezidentınıŋ sailauy qalai ötkenın eske saldy. Sol tūsta Qazaqstannyŋ Belarustegı elşısı bolǧan Ertısbaev däl sol künı Minskıdegı sailau uchaskesınde jürgen eken. “Bızde bärı aşyq jäne taza öttı. Däl solai boluy tiıs edı. Jüzdegen adam keldı dauys beruge. Bızdıŋ uchaskemızde Toqaev 53,8% dauys jinady, Qosanovqa şamamen 39-40% adam dauys berdı. Būl keremet nätije”, – dep bastady Ertısbaev.Onyŋ sözınşe, Lukaşenkoǧa qulyq jetıspei, ol özıne 80%-dan astam dauys “bergızdı”, solaişa ol qatelık jasap qoidy. – Eger Lukaşenko sailauda 54-55% dauys alǧandai bolyp, al halyq Tihanovskaiaǧa 44-45% dauys berdı, degendei nätije jariialanǧanda, Belarus būlaişa köterılmes edı. Sosyn Lukaşenko sailaudan keiın barlyq kandidattardy öz rezidensiiasyna qonaqqa şaqyruy tiıs edı. Putin soŋǧy sailauda söittı emes pe? Barlyq kandidattardy jinap aldy da, “davaite, bırge jūmys ısteiık” dedı. Öitkenı dialogqa şaqyru degen ädıstıŋ narazy piǧyldy basatyn “qasietı” bar. Sonda deimız, halyqtyŋ 80% dauysyn alsa – olarǧa rezıŋke oq atudyŋ qajetı bolar ma edı? Öz sözınde halyqty “ovsy” dep, qoiǧa teŋegenı de tym artyq boldy. Öte maŋyzdy närseler ǧoi mūnyŋ bärı. Halyq degen narazylyq bıldıruge qaqyly. Men Lukaşenkonyŋ küş qoldanyp jatqanyn qatelık dep sanaimyn. Halyq köşege şyqsa – şyqsyn da, ereuılın jasap tūra bersın. Bilıkke uzurpasiia jasau – qylmysqa jatady, – dedı Ertısbaev.
Dalanews.kz
