Qytaida Braziliiadan importtalǧan tauyq etınen Covid-19 anyqtaldy. Būl turaly inbusiness.kz Bloomberg agenttıgıne sılteme jasap habarlady. Qazır būl eldıŋ keden qyzmetkerlerı basqa elden äkelınetın tauarlardy tekserude. Tauyq etındegı virusty densaulyq saqtau qyzmetkerlerı test ötkızu barysynda anyqtaǧan. Sodan keiın mamandar önımdı ūstaǧan adamdardy da tekserısten ötkızdı. Bıraq olardyŋ eşqaisysy auruǧa şaldyqpaǧan. Al satylǧan et der uaqytynda tabylyp, zararsyzdandyryldy.
Būǧan deiın Qytaidyŋ basqa qalasynda Ekvadordan äkelıngen asşaiannan qauıptı infeksiia tabylǧan edı. Osyǧan bailanysty qazır eldıŋ keden qyzmetı barlyq azyq-tülık önımderınen, äsırese teŋız önımderı men ettı arnaiy tekserısten ötkızıp jatyr.
Eskere ketetın jait, şılde aiynan berı Qytaidyŋ jetı qalasynda önım qabynan Covid-19 anyqtalǧan bolatyn. Kei sarapşylardyŋ pıkırınşe, azyq-tülık önımderın salqyn jerde saqtau virustyŋ ūzaq tırşılık etuıne septıgın tigızetın körınedı.
"Adyrna" ūlttyq portaly
