Belarustegı saiasi jaǧdai analtika men qūsyq posttar arqyly "baqytqa" ūmtyluşy qazaqstandyq psevdopolitolog häm bloger-symaqtardyŋ plintustan da tömen deŋgeiın taǧy bır ret körsettı.
Toqaev Lukaşenkony qūttyqtaǧannan keiın Euraziiadaǧy integrasiiany "zertteuşıler" "Batka krasavchik!”, “Feisbukta post jazu — saiasatpen ainalysu emes, saiasatqa täjıribemen kelu kerek” degennen artyq eşteŋe jaza almady. Olardan odan basqa närse kütudıŋ özı de artyq bolar edı.
“Memleketşılderdıŋ” ömırlık ūranyna ainalǧan “Synaityn bolsaŋ, onda basqa närse ūsyn” degenın eskerıp, baiǧūstarǧa öz posttarynda qoldanu üşın salystyrmaly türde az qūsyq tuǧyzatyn kelesı zaşkvar argumentterdı ūsynamyn:
- Belaruste myŋdaǧan adamnyŋ köşege şyǧuy saiasi mädeniettıŋ joǧary deŋgeiı emes. Mitingışıler Lukaşenkony qoldaǧan 80% elektoratqa qūrmet körsetpei otyr. Lukaşenkonyŋ 80% elektoraty konstitusiiaǧa, zaŋǧa qūrmet körsetıp köşege şyqpai otyr. Olar köşege şyqpai mädeniet saqtap otyr. Olar köşege şyqsa, qazır köşede jürgen narkomandar men alqaştardyŋ ünı öşer edı. Olardyŋ ondai mädenietsızdık tanytpaitynyna senemın.
- Belbasy Qazaqstandy damyǧan eldıŋ qataryna kırgızu üşın demokratiia degen illiuziiany elemei, bızdı 30 jyl basqarǧan elbasynyŋ saliqaly ömır jolynan sabaq alǧan siiaqty. Sol sebeptı ol Belarustegı beibıt ömırdı saqtap qalu üşın baryn salady. Solai boluy kerek te. Feisbuktegı azşylyqtyŋ şuynan köpşılıktıŋ taŋdauy artyq. Belarustegı jaǧdaiǧa qarap otyryp, elbasy köregen patşa ekenıne taǧy bır ret köz jetkızemız.
- Svetlana Tihanovskaia ömırıne eşqandai qauıp tönbese de, KGB onyŋ bır tal şaşyna tiıspese de, SİK-te qysym körsetpese de, otbasy men balalaryna tiısemız dep qorqytpasa da halyqty laqtyryp, Litvaǧa qaşyp kettı. Saiasatta jauapkerşılık ala almaǧan adam jeŋıske jetpeidı. Osydan keiın jeke basyn oilamai, jauapkerşılıkten qaşpai, 10 mln belarustı baqytty qylu üşın baryn salyp jatqan Lukaşenkony qalai jek köruge bolady?
- Belarustegı qazırgıdei narkoman men alqaştardyŋ şeruınıŋ aldyn aluǧa bolar edı. Lukaşenkonyŋ ainalasyndaǧy keŋesşıler darynsyz eken. Byltyr baǧymyzǧa bıtken qazaqstandyq saiasi elita Ūlttyq senım keŋesın qūru arqyly eldegı beibıt ömırdı saqtap qaldy. E.Karin sekıldı naǧyz memleketşıl, sūmdyq strateg saiasi tehnologtar baryna şükır. Lukaşenkonyŋ keŋesşılerıne Karindei myŋ jylda bır tuatyn tūlǧalardan üirenetın närseler öte köp.
- Tihanovskaia eldı tastap qaşyp kettı. Qosanov qūrly bolmady. Qosanovty qanşa jek körseŋder de, ol kısı jeke ambisiiasyn ūlt taǧdyrynan joǧary qoia bıldı. Ony saiasattan habary joq, saiasatty Feisbukte post jazu dep tüsınetın tobyr qaidan tüsınsın?!
- Narkomandar men alqaştar Minskte tolyp jür. Belarus milisiiasynyŋ deŋgeiı bızdıŋ polisiianyŋ deŋgeiıne jetpeidı eken. Belarus milisiiasyna namys jetpei jatyr. Basyna şyǧaryp alǧan halyqty. Kerek bolsa, Asia Tuleşovadan oŋbai zäbır körgen qazaqtyŋ namysty polisei jıgıtterı siiaqty aktivistterdı sot arqyly ornyna qoiu kerek.
- Belarustegı jaǧdaidan sabaq aluymyz kerek. Syrtqy jaular aŋdyp otyr bızdı. Resei men Qytaiǧa jem bolmauymyz kerek. Bızdıŋ Qazaqstannan basqa otanymyz joq. Elbasy aitqandai, Qazaqstan älı demokratiiaǧa daiyn emes. 18 mln amerikalyqty qaidan alamyz? 30 jyl el basqarǧan, Londonda üi-jaiy, offşorda şoty bar, araldarda iahtasy bar örkeniet pen batys körgen saiasi elita demokratiiaǧa daiyn. Al audan ortalyǧynan ary şyqpaǧan halyq oǧan daiyn emes. Mäselege tereŋ qarauymyz kerek. Saiasat — oiynşyq emes.
- Belaruste sailaudan keiın 3000–dai adam ūstaldy. Al byltyr Qazaqstanda 4000-dai adam ūstaldy. Demek, Qazaqstannyŋ OMONy keremet jūmys ısteidı. Osyndai OMON tūrǧanda ūiqymyz tynyş bolatynyna senemın. Sol üşın şükır deuımız kerek.
Sız qandai zaşkvar argument ūsynar edıŋız?
Şalqar Nūrseiıtovtyŋ jazbasynan
