Şymkent qalasynda 17 tamyzdan bastap şekteu şaralaryn kezeŋ-kezeŋımen jeŋıldetu boiynşa şeşım qabyldandy. Osyǧan orai käsıpkerlık nysandar öz jūmysyn qaita bastau barysynda «InfoKazakhstan» bıryŋǧai portaly arqyly jüzege asyruy tiıs. Būl platformaǧa tırkelu 4 qadamnan tūrady:
1-qadam. «InfoKazakhstan» saityna kırıp, ūiymyŋyzdy elektrondy sifrlyq qoltaŋba arqyly tırkep, käsıbıŋızge qoiylǧan talaptarmen tanysyŋyz. Biznestıŋ jekelegen türlerı jūmysyn tekserusız, habarlama tärtıbınde qaita bastai alady.
2-qadam. Nysandy talaptarǧa sai daiyndap, jūmys ısteuge daiyndyǧyŋyzdy elektrondy ötınım beru arqyly rastaŋyz.
3-qadam. Sanitarlyq-epidemiologiialyq qyzmettıŋ tekseru jürgızuın kütesız.
4-qadam. Tekseru jürgızılgen soŋ nätije oŋ bolsa, onda jeke kabinette jūmysty qaita bastauǧa sanitarlyq normalarǧa säikestık aktısın jüktep alu qajet. Eger nätijesı terıs bolsa, onda olqylyqtardy rettep, ötınımdı qaita jıberıŋız.
Ötınımdı «InfoKazakhstan» saityna bergennen keiın, sauda, sondai-aq adamdar köp şoǧyrlanatyn nysandaryna sanitarlyq-epidemiologiialyq qyzmettıŋ tekseru jürgızıletını jäne tek sol tekseru nätijesınen keiın ǧana nysandy aşuǧa rūqsat berıletının käsıpkerlerdıŋ nazaryna jetkızemız.
Aita keteiık, būl saitta äkımdıkter, sanitarlyq därıgerler, polisiia, öŋırlık palatalar jäne tūtynuşylar ligasy ökılderınen qūralǧan tūraqty monitoringtık top jūmys ısteidı. Resurs qyzmetın bır mezgılde 150 000 tūtynuşy paidalana alady. Al sūraqtardy bıryŋǧai bailanys-ortalyǧyna 1432 (qoŋyrau şalu tegın) qoŋyrau şalyp, qoiuǧa bolady.
Eskerteiık, 17 tamyzdan bastap rūqsat berıletın nysandardyŋ özındık tərtıbı bar:
Sauda üilerı (butikter), sauda jelılerı, jabyq bazarlar (tolymdylyǧy 30%-dan aspauy tiıs, 1 keluşıge 4 ş.m), sūlulyq salondary, şaştaraz, SPA ortalyqtary, kosmetologiialyq qyzmet körsetetın nysandar (aldyn ala jazylu boiynşa 1 keluşıge 4 ş.m.), basseinı joq fitnes ortalyqtary (tolymdylyǧy 50%-dan aspauy tiıs, 1 keluşıge 5 ş.m.), basseinı joq monşalar men saunalar (tolymdylyǧy 50%-dan aspauy tiıs, 1 keluşıge 4 ş.m.) jūmysyn qaita bastaidy. Sondai-aq, balalarǧa arnalǧan tüzetu kabinetterı, balalar jäne eresekterge bılım beru ortalyqtary (jazylu boiynşa, toptarda 5 adamnan aspauy tiıs), mektepke deiıngı balalar mekemelerınıŋ kezekşı toptary (15 adamnan artyq emes) jäne aşyq auadaǧy attraksiondar (qaşyqtyqty saqtau, betperde taǧu, adamdar aǧynyn retteu) jūmystaryna kırısedı.
Al toptyq jattyǧular jasauǧa (5 adamnan artyq emes) jäne ūlttyq qūrama, klub komandalary üşın sporttyq jattyǧular jasauǧa (30 adamnan artyq emes, sport bazalarynda tūru, epidemiiaǧa qarsy şaralardy jäne aldyn alu şaralaryn saqtau) rūqsat etıledı.
Şymkent
