Şymkent qalasynyŋ äkımı M.Äitenovke pedagog kadrlardy ırıkteudıŋ «HR-Process» avtomattandyrylǧan aqparattyq-taldau jüiesı tanystyryldy.
Bügınde www.hr-process.kz saitynda pedagogtar men qyzmetkerlerdı jūmysqa qabyldau boiynşa 137 bılım beru ūiymy tırkelgen. Qazır 78 bos jūmys orny bar.
«HR-Process» jüiesı pedogogikalyq bos orynǧa ötınış beru jäne öŋdeu barysyn avtomattandyruǧa, ümıtkerler men bos oryndardyŋ derekter qoryn qūruǧa, sonymen qatar zamanaui aqparattyq tehnologiialardy qoldanu negızınde pedagogikalyq qūramdy ırıkteu prosesınıŋ tiımdılıgın arttyruǧa arnalǧan.
"Memleket basşysy Qasym-Jomart Toqaevtyŋ tapsyrmasyna säikes Şymkentte barlyq salany avtomattandyru jäne sifrlandyru boiynşa bırqatar jūmystar jürgızudemız. Osy saittyŋ arqasynda oqytuşy lauazymyna ümıtkerler onlain rejimde jūmys taba alady. Pedagogikalyq qūramdy ırıkteudı avtomattandyrudyŋ maqsaty men artyqşylyǧy ümıtkerdı taŋdauda meritokratiia, jariialyq jäne aiqyndyq qaǧidalaryn saqtau bolyp tabylady", - dedı qala äkımı.
Jüie konkurstyq ädıske negızdelgen. Arnaiy komissiia qūramyna bılım beru mekemelerınıŋ direktory, pän mūǧalımderı, psiholog kıredı. Äleumettık jelılerde konkurstyq komissiia otyrysynyŋ onlain körsetılımı jürgızıledı. Baiqaudyŋ barlyq nätijesı saitta jariialanatyn bolady.
Aita ketu kerek, būl joba - pedagogikalyq qyzmetke üzdık kadrlardy ırıktep aluǧa, jemqorlyqtyŋ aldyn aluǧa mümkındık beredı.
Şymkent qalasy äkımınıŋ baspasöz qyzmetı
