Eń qyzyq eski fılmder

684

 

 

Eski kınolardy kermek saǵynyshpen eske alasyz ba? Qulypqa súıiktińizben qol ustasyp baryp, fılmdi kórip, qaryq-qaryq kúlgen ýaıymsyz kezderińizdi ańsaısyz ba?.. Endeshe qazaq kınosynyń altyn qoryna engen fılmderge siz ben biz birge saıahattaıyq!

«Jalǵyz basty erkektiń kúni qurysyn! Qasynda sheshesi, eń quryǵanda bir shúıkebasy bolýy kerek!»

Joǵarydaǵy Tana shesheıdiń sózderi esińizde bolar?! Jalǵyz ulynyń boıdaqtyq ómirine balta shapqysy kelgen ana Qyzdar ınstıtýtynyń jataqhanasynan da, balet teatrynan da tipten avtobýstan da qyz izdeý proessine kirisip ketedi. Al Taılaq «Sendeı sheshe búkil jer betinde joq» dese de, anasynyń qarsylyǵyna qaramaı, óz súıiktisi Aıshaǵa qosylýǵa asyǵady. Tana shesheıdiń qarsylyq bildirýiniń basty sebebi Aısha kezinde Tanamen sóz baılasyp, keıin sózinen taıqyp shyqqan (atynyń ózi aıtyp turǵandaı) Taıyrdyń týǵan qyzy bolyp shyqqan.

Aıtpaqshy, fılmdegi ánderdi aıtsańyzshy..

«Ǵashyǵymdaı súıem seni..

Armanymdaı adal,

Alataýdaı kórem seni,

Gúl Almatym..Gúl Almatym..» dep bastalatyn kınodaǵy ásem áýen de, kóldeı kóńil de, Almatynyń burynǵy kórinisi de ótken kúnderimizge saıahat jasaǵandaı áser qaldyrady.

Al Qyzdar ınstıtýtynda «Bizdiń Aramyzdaǵy bir qyzdy Máskeýge sımpozıýmǵa jiberýimiz kerek. Ózderiń bilesińder, oǵan kim kóringendi jiberýge bolmaıdy» dep kommendattyń aldap turǵanyn sezip qoıǵanyn qyzdar aıaq-kıimderin laqtyryp jiberip, «Ty kýda, Odısseı» ánine bıleı jóneletini esterińizde me? Bilemin, bul da sál jymıyp eske alar sát bop qaldy...

«Taqııaly perishtegideı» ómirdi, burynǵy Almatyny ańsasańyz, silteme arqyly taǵy bir márte kórip alýyńyzǵa bolady.

 

Jeńgesine ǵashyq bolǵan qara bala..

«Apo-o-oý, apataıym meniń!» dep apasynyń belinen bas salatyn «qara balany» tanıtyndaryńyz bar ma?

Tanymasańyzdar tanystyraıyn. Qara bala – kómek suraǵan jeńgelerine «senderdiń nemene malaılaryń deısiń be?» dep tas tóbeden bir qoıatyn bala. Qara bala–úlkendeý bolsa da Balǵyn esimdi jeńgesine ǵashyq bolǵan bala. Qara bala–apasy kórshi qyzǵa «kelin bolýǵa ábden laıyq» dep súısinip turǵanda «qap-qara ǵoı» dep mensinbegen bala. Qara bala–qatyndardyń bári menen án surasyn degen bala. «Qara bala» fılmi Beıimbet Maılınniń «Qara bala» shyǵarmasynyń jelisimen túsirilgen. Endeshe kórgińiz kelse tómendegi siltemeden ótińiz.

 

«Aq buzaýym men seni qýamyn, sen Janardyń úıine qash»

 

Kitaphanaǵa «qant alamyn» dep kezeksiz kirip, kitap alyp shyqqan Qojadan muǵalim «qaı synypta oqısyń, atyń kim?» degende «on úshinshi synypta oqımyn, atym Chınga-Chkýk» degeni esterińizde me?! Iá, ıá endigi fılmimiz «Meniń atym Qoja» týraly bolmaq. Fılm Berdibek Soqpaqbaevtyń «Meniń atym Qoja» povestiniń jelisimen túsirilgen. Fılmge ótken ǵasyrdyń elýinshi jyldaryndaǵy qazaq aýylynyń ómiri arqaý bolǵan. Basty keıipkeri Qoja aqyldy, sonymen birge buzyq, ákesiz ósken bala. Fılm barysynda Qoja ǵashyq ta bolady, tóbelesedi de, buzyqtyq ta jasaıdy, sabaqtan da qýylady, jınalysta tártibi qaralady, mektepten qýylýǵa shaq qalady. Al muǵalimder Rahmanov men Maıqanovalar naǵyz pedagogıkanyń ozyq úlgisin kórsetken mamandar edi. Qoja bolsa tártipsizdikterge keıde sanaly túrde, keıde bilmestikpen barady. Muǵalimder «Sabaqtan qashqan kim-Qoja.Sómkege baqa salyp qoıǵan kim-Qoja. Maqtanshaq kim-Qoja. Mektep tájirıbesine barmaǵan taǵy da Qoja» dep renjıtin. Degenmen Qoja jaman bala emes edi..

Qojany saǵynsańyz tómendegi siltemeden ótińiz.

-Men Aldarmyn, Aldarmyn,

Saqalymdy taldarmyn.

Saqal túgil murt ta joq,

Shaıtandy da aldadym – degen ándi talaı estigen bolarsyz..

Sózge sheshen aqynyńdy da aldaıtyn, jas qyzdy shaldyń quryǵynan alyp qalatyn, bulaqtyń sýyn Mekkeniń sýy dep beretin Aldar kóse talaı jandy aldasa da, ádilettilik úshin kúresetin edi.  Qaı aýylǵa barsań da, Aldardyń esimi el aýzynan túspeıdi. Ezýińizge kúlki úıiretin fılmdi kórýge keńes beremiz.

 

 

Aqgúl AIDARBEKOVA,

«Adyrna» ulttyq portaly

 

Pikirler
Redakııa tańdaýy