Eŋ tömengı zeinetaqy mölşerın ösıru jaiy Qarjy ministrlıgı "Aşyq NQA" portalyna ornalastyrǧan "2021-2023 jyldarǧa arnalǧan respublikalyq biudjet turaly" zaŋ jobasynda qarastyrylǧan, dep habarlaidy "Adyrna" tılşısı zakon.kz-ke sılteme jasap.
Sonymen 2021 jylǧy 1 qaŋtardan bastap:
- jalaqynyŋ eŋ tömen mölşeri – 42 500 teŋge;
- memlekettık bazalyq zeinetaqy tölemınıŋ eŋ tömen mölşerı –18 524 teŋge;
- zeinetaqynyŋ eŋ tömen mölşeri – 42 272 teŋge;
- järdemaqylardy jäne özge de äleumettik tölemderdi esepteu, sondai-aq Qazaqstan Respublikasynyŋ zaŋnamasyna säikes aiyppūl sanksiialaryn, salyqtardy jäne basqa da tölemderdi qoldanu üşin ailyq eseptik körsetkiş – 2 917 teŋge;
- bazalyq äleumettik tölemderdiŋ mölşerlerin esepteu üşin eŋ tömen künköris deŋgeiiniŋ şamasy – 34 302 teŋge bolyp belgilensin.
" Jasyna bailanysty zeinetaqy tölemderıne jäne eŋbek sıŋırgen jyldary üşın zeinetaqy tölemderıne jūmsalatyn qarajat 2021 jylǧy 1 qaŋtardan bastap olardyŋ mölşerlerın 7 prosentke köteru eskerıle otyryp közdelgen dep belgılensın", - delıngen zaŋ jobasynda.Sonymen qatar 2021 jylǧy 1 qaŋtardan bastap äleumettık medisinalyq saqtandyru qoryna töleuge jatatyn mındettı äleumettık medisinalyq saqtandyruǧa memleket jarnalarynyŋ mölşerı – memleket jarnalaryn esepteu obektısınen 1,6 prosent dep belgilenu ūsynylady. Odan bölek, qūjatta 2021 jylǧy 1 qaŋtardan bastap äskeri qyzmetşılerge (merzimdi qyzmettegı äskeri qyzmetşılerden basqa) jäne arnauly memlekettık jäne qūqyq qorǧau organdarynyŋ, memlekettık feldegerlık qyzmettıŋ qyzmetkerlerıne tūrǧynjaidy kütıp-ūstauǧa jäne kommunaldyq qyzmetterge aqy töleuge aqşalai ötemaqynyŋ ailyq mölşeri 3 739 teŋge somasynda belgilenu jaiy da aitylady. Zaŋ jobasy 2020 jyldyŋ 4 qyrküiegıne deiın qoǧamdyq talqyda bolady. Aita keteiık, qazırgı uaqytta eŋ tömengı zeinetaqy mölşerı - 40 441 teŋge.
"Adyrna" ūlttyq portaly
