Finprom.kz.-tıŋ habarlauynşa, Qazaqstan halqy baqytty sanalatyn düniejüzılık esepte 10 satyǧa köterılıp, 153 eldıŋ ışınde 50-oryndy iemdendı. Halqynyŋ baqyttylyǧy körsetkışı boiynşa Euraziialyq ekonomikalyq odaq elderın artqa tastaǧan eŋ baqytty el ekenbız.
Reitingte halyqtyŋ äl-auqatynyŋ jan basyna şaqqandaǧy (JIÖ) deŋgeiı, ömır süru ūzaqtyǧy, azamattyq bostandyqtarynyŋ boluy, qauıpsızdık pen bolaşaqqa degen senımdılıgı, otbasy tūraqtylyǧy, jūmys qauıpsızdıgı, sybailas jemqorlyq deŋgeiı, sondai-aq qoǧamnyŋ özge de körsetkışterın eseptegen.
«Adyrna» ūlttyq portalynyŋ tılşısı elımızdıŋ tūrǧyndaryna Finprom.kz saitynda körsetılgendei «baqytty elmız be?» dep saualnama jürgızıp kördı.
Aitmūhanbet KEMELHANOV,zaŋ ǧylymdarynyŋ kandidaty, professor, polkovnik, ūstaz:
-Baqytty elmız dep eseptemeimın. Adam qūqyqtarymen bostandyqtary bilık organdarymen tolyqtai qamtamasyz etılmei jatyr. Qaida barsaŋ da, jemqorlyq, közboiauşylyq. Memlekettık qyzmetkerlerdıŋ, onyŋ ışınde qūqyq qorǧau, arnauly organdarynyŋ, sot bilıgınıŋ qajettı deŋgeide bılımderınıŋ jetıspeitındıgın körıp jürmın.
Ejelgı filosoftar aitpaqşy, baqytty el bolu älemnıŋ är azamatynyŋ armany. Ol naqty qai uaqytta baqytty sezınetını belgısız.
Rüstem AŞETAEV, jurnalist:
- Baqyt degendı är ūlt är türlı tüsınedı. Eger de, jerı men memleketı joq eldermen osy kriterii boiynşa salystyrǧanda, äldeqaida baqyttymyz dep aituǧa bolady.
Al, odaq elderınıŋ ışınde «baqytty» bolsaq, baqytty şyǧarmyz (küldı – avt.). Bıraq, odaqtaǧy elderdıŋ ahualyn bılıp otyrǧandyqtan, baqytsyz elderdıŋ ışındegı «baqyttysymyz» degen dūrysyraq bolar.
Jylbek SENBEKŪLY, jurnalist:
Taǧy bır ai karantinde otyrsaq, bilık «baqyt» degen degen sözdıŋ ne ekenın ūmytatyn şyǧar. Osyndai tapsyryspen jasalatyn zertteuler nege kerek? Halyq köşege şyǧuǧa daiyn otyr, qaiyrşylar köbeidı. Mūndai «baqytty» zertteumen ainalyspai, naqty şaralardy qolǧa alu kerek.
Äzımbai ǦALİ, saiasattanuşy:
Būl jaŋalyqty bes-alty kün būryn körıp,ışımnen bır külıp qoidym. Baqyt senımı ıs jüzınde basqaşa boluy mümkın. Ony memleket tūrǧyndarynyŋ özın jaily sezınu körsetkışı dep bılemın. Baqytty degen tym qatty aittylǧan şyǧar, degenmen de belgılı deŋgeide öz-özın jaqsy sezınetın körsetkış. Ärine, bızde jemqorlyq öte joǧary deŋgeide, Batys elderımen salystyrǧanda tūrmys deŋgeiımızde tört ese aiyrmaşylyq bar.
Dese de saualnamany halyqtyŋ fantastikalyq adasuy nemese propoganistık äreketterdıŋ äserı deuge bolmaidy. Mūnan otyz jyl bolsa da qanaǧattanarlyq sezımı älı kömeskılenbegenın baiqauǧa bolady.
Elımızdıŋ tūrmys därejesı jaman emes, Özbekstanmen salystyrar bolsaq, bızdıŋ tūrmys deŋgeiımız (IJO) 2,5 ese joǧary. Koronavirus bolmasa, ışkı jalpy önım 4,5 paiyzǧa ösetın edı.
Tynysbek QOŊYRATBAI, filologiia ǧylymdarynyŋ doktory, professor:
Soŋǧy kezderı elımızde kedeişılık üdep barady. Jūrt söz bostandyǧyna tūsau salynǧan dep şulap jür. Ǧylym men bılım qūldyrap kettı. Jetekşı qyzmetkerler tarapynan jemqorlyq äreketter sany kürt ösıp keledı. Ony şetel de bılıp otyr. Sonda bız qai körsetkıştermen aldyŋǧy orynnan körınuımız mümkın...
Ainagül HANGELDI, Almaty oblysynyŋ tūrǧyny:
"Karantin kezınde därı tappai qinaldyq. Äitpese, bylai aman-esen jürmız. Basty baqyt- densaulyq pen elımızdıŋ täuelsızdıgı dep bılem".
Aidar ASANBAI, jūmyssyz:
"Öte baqyttymyz! Şynaiy baqytty ekenımızdı osy jylǧy karantinde sezındık au?! Jaişylyqta türlı aiyppūlǧa jüzdegen myŋ aqşa salatyn bilıgımız halqy üige qamalyp, as susyz qalǧanda, 42500 teŋgenı sadaqaǧa bergendei taratty. Osy aqşany almai, qiyndyqtan tityqtaǧan azamattaryna sūrau salǧan ükımet bolmady. Osyndai şeneunıkterı men ükımetı bar bız ärine, baqyttymyz. Jemqorlyqtyŋ etek jaiǧany sonşa, karantin kezınde blok posttardan aqşa qystyryp ärı berı ötken el bız ǧana şyǧar?! Būl da bızdegı baqyttyŋ bır ūşqyny. Söz bostandyǧy, adam qūqyǧynyŋ derejesı bızdıŋ elde tek tabannyŋ astynda qalǧany sonşa, auzyn aşqannyŋ bärı «sazaiyn» tartuda. Qazır aqşa sūrauşylar köşede emes, äleumettık jelıde de qaptap kettı. Demek, qaiyrşysy köp baqytty Qazaqstanbyz. Bız qaiyrşysy köp, 42500 teŋgege küneltken baqytty elmız".
Bız sūrau salǧan adamdardyŋ jauaby osyndai boldy. Sız qalai oilaisyz, qūrmettı oqyrman?
Gülvira ASQAR,
«Adyrna» ūlttyq portaly
