Telegramda pedofilizmge şaqyratyn kanal ıske qosyldy. Onda er adamdar basqa azamattarǧa jynystyq zorlyq-zombylyqty nasihattap, “qūrbanyn” qalai taŋdauǧa bolatyndyǧyn tüsındıredı. Qazırgı taŋda kanal jūmysy toqtatyldy.
Tömende erıktıler tüsırıp ülgergen jazbalar. Kanalda öz qūrbanyna qalai jaqyndap, äreket etu amaldary jaily keŋester berılgen.
Telegramnan bölek instagram äleumettık jelısınde de aqparat taratqan.
Kanal qaşan paida boldy?
“ForttageClub” kanaly 2020 jyly 29 mausymda aşylǧan. Kanalda 100-150 şaqty oqyrman bolǧan. Ol jerde jıgıtter qyzdardy qalai “qolǧa tüsırgendıgı” jaily öz oqiǧalarymen bölısıp otyrǧan. Sonymen qatar osy taqyrypta “paidaly keŋester” de jariialanǧan.
Mūnyŋ barlyǧy jas qyzdarǧa jäne egde jastaǧy äielderge qatysty jasalǧan NAǦYZ ZORLYQ-ZOMBYLYQQA ainaldy.
@net.nasiliyu qozǧalysy:
“Olar üşın mūnyŋ bärı oiyn. Bırınşıden, būl özınıŋ ışkı egosyn qanaǧattandyruǧa jäne bıreu üşın maŋyzdy ekendıgın sezdıretın oiyn ǧana. Şyndyǧynda balalyq şaqta olarǧa osy meiırım jetıspegen. (Būl - boljam. Ädette er adamdarda balalyq şaqta ana mahabbatynyŋ jetkılıksızdıgınen osyndai qajettılık paida bolady)
Ökınışke orai, sız pedofilizmnen özıŋızdı tolyqtai qorǧai almaisyz! Bıraq bız ony köpşılıkke jariia etuımız kerek. Aram oily adamǧa sausaǧyŋyzdy körsetuden ūialmaŋyz jäne būl turaly köpşılıkpen bölısuden tartynbaŋyz. Köbıne zorlyqşylar qyzdardyŋ qorqyp, ündemegendıgınen ǧana batyl bolady. Eger eşteŋe baiqamaǧandai būǧyp jüre berseŋız, jan dünieŋızde bırneşe ai boiy jazylmaityn jara paida bolady. Sızge ūialşaqtyq maŋyzdy ma, älde ZORLYQ-ZOMBYLYQSYZ QOǦAM ba?”
Qazaqstanǧa feminizm kerek pe? Būl sūraq qoǧamda älı de talqylanuda. Osydan keiın bälkım feminizmdı qoldap, äiel qūqyqtaryn qolǧa alu kerek şyǧar? Közı qaraqty körermen, sız qalai oilaisyz?
Aiaulym ÄBILDA,
“Adyrna” ūlttyq portaly
