Bügın Şymkent qalasynyŋ äkımı Mūrat Äitenov Özbekstan Respublikasynyŋ Almatydaǧy bas konsuly Abror Fathullaevpen kezdestı.
Kezdesude taraptar sauda-ekonomikalyq, mädeni-gumanitarlyq qarym-qatynastardy nyǧaitu men halyqaralyq turizmdı damytuǧa baǧyttalǧan özara yntymaqtastyq mäselelerın talqylady.
Sondai-aq, COVID-19 pandemiiasy jaǧdaiynda ekonomikalyq tūraqtylyq pen eŋbek migrasiiasy jaiynda söz qozǧady.
Bas konsul öz sözınde eŋbek migrasiiasy halyqaralyq ekonomikalyq qatynastardyŋ bır bölıgıne ainalǧanyn aityp, pandemiiaǧa bailanysty jūmysşy küşın qabyldaityn oŋtaily jüie jasaudy ūsyndy.
«Şymkentte ırı önerkäsıp oryndary men qūrylys salasynda köptegen nysan qūrylystary jürgızılude. Jūmys beruşılerden ötınım kelıp tüsse bız taraptan jūmys küşımen qamtamasyz etuge daiynbyz. Ol üşın Qazaqstannyŋ jūmys beruşılerı Özbekstan tarapynan sūratylǧan tiıstı qūjat toptamasyn ūsynyp, ötınım bıldırse jetkılıktı»,-dedı Abror Fathullaev.
Şymkentte qūrylys jūmystarynyŋ qarqyny karantin kezınde de bäseŋdemegenın aitqan qala basşysy bügınde jūmys küşınıŋ qajet ekenın jetkızdı.
Kezdesudıŋ qorytyndysy boiynşa taraptar özara yntymaqtastyqty nyǧaituǧa müddelı ekendıgın bıldırdı.
Şymkent qalasy äkımınıŋ baspasöz qyzmetı
