Qazaqstandyq kommunister tūrǧylyqty jerı joq adamdarǧa kömek körsetuge baǧyttalǧan türlı qyzmetter men vedomstvolardyŋ jūmysyn üilestıruge mümkındık beretın jeke zaŋ qajet degen bastama köterdı. Būl turaly Kökşetauda «Halyqtyŋ äleumettık jaǧynan osal toby. Pandemiia kezınde tuberkulezdıŋ taralu mäselesı, qaupı, täuekelı» taqyrybymen ötken döŋgelek üstel barysynda talqylandy.
«Är vedomstvo öz jūmysyn özınşe jürgızedı. Alaida, vedomstvolar arasynda üilestıru jetıspeidı. Mäselen, densaulyq saqtau salasyndaǧylar nauqastardy emdep şyǧaryp, äleumettık ortaǧa jıberedı. Keiın būl adamdarǧa eşkım qaramaidy da, qaita nauqastanady. Söitıp, bärı qaitadan basynan bastalady. Sol sebeptı barlyq vedomstvolar men ükımettık emes ūiymdardyŋ, zaŋdy jäne jeke tūlǧalardyŋ basyn bırıktıretın zaŋ qajet», - deidı QKHP Aqmola oblystyq filialynyŋ töraǧasy Oljas Syzdyqov.
Qaŋǧybastar virusty taratuşy top pa? Mūndai pıkır qai kezde paida boldy?
Tuberkulez – jūqpaly ǧana emes, sonymen qatar azamattardyŋ äleumettık osal sanattary arasynda jedel taralatyn auru. Qazaqstanda halyqtyŋ edäuır bölıgı kedeilık şegınen tömen deŋgeide ömır sürıp jatyr. Tabysy tömen adamdar özderın qajettı zattarmen, onyŋ ışınde azyq-tülık önımderımen, vitamindermen jäne därı-därmekpen qamtamasyz ete almaidy. Osy oraida älsıregen adam aǧzasy qauıptı infeksiialarǧa tez berıledı.
Kovidtan keiıngı kezeŋ äsırese äleumettık tūrǧydan da, medisinalyq tūrǧydan da tuberkulezge qatysty jaǧdaidy uşyqtyrdy. Qauıp-qaterge ılınetın topta üisız adamdar, sottalǧandar, balalar üiınıŋ tülekterı ǧana emes, būǧan deiın tūraqty tabysy bolǧan adamdar da bar. Karantinge bailanysty köptegen qazaqstandyqtar jūmysynan airyldy. Iаǧni, qalypty ömır süru, otbasylaryn asyrau, tūrǧyn üidı jalǧa alu mümkındıgı de tömendedı. Onyŋ üstıne virustyŋ özı de respiratorlyq sipatqa ie.
– Qazırgı uaqytta üisız adamdar sany ösu üstınde. Bızdıŋ qaladaǧy beiımdelu ortalyǧy tek 50 adamdy ǧana qabyldai alady. Bıraq būl jetkılıksız. Äsırese qys mezgılınde, – dedı kommunister.
Jiynǧa qatysuşylar är audanda osyndai ūiym aşyp, beiımdeu qyzmetınıŋ jūmysyn üilestıru turaly ūsynys jasady.
– Karantin kezınde beiımdeu ortalyqtary azamattardyŋ osal sanattaryn qabyldaǧan joq. Ärine, olardan PTR-ge eşkım test alǧan joq. Auruhanalarǧa da eşkım qabyldamady. Al aurudyŋ qauıptılık toby keŋeidı, – dedı Oljas Syzdyqov.
Döŋgelek üstel qorytyndysy boiynşa aitylǧan ūsynymdar «Halyq kommunisterı» parlamenttık fraksiiasyna jıberıletın boldy.
– Osy jyldyŋ soŋyna deiın bızdıŋ deputattar üisız adamdar turaly zaŋ qabyldau qajettıgın jetkızedı dep ümıttenemın, – dedı Oljas Syzdyqov. Būl turaly Qazaqstan halyq kommunistık partiiasy saitynda habarlandy.
Foto aşyq derekközden alyndy.
Aiaulym ÄBILDA
“Adyrna” ūlttyq portaly
