Qazaqstandyq zıltemırşı Zulfiia Chinşanlo auyr atletikadan halyqaralyq kubokta ekınşı orynǧa ie boldy, - dep habarlaidy "Adyrna" tılşısı Vesti.kz.-ke sılteme jasap.
Halyqaralyq jarys Özbekstannyŋ Täuelsızdık künıne orai ūiymdastyrylǧan.
55 kelıge deiıngı salmaqta öner körsetken Özbekstan sportşysy Muattar Näbieva 205 kelı (95+110) zıltemırdı baǧyndyryp, üzdık atandy.
Chinşanlo jūlqa köterude qarsylasyna jol berdı, al serpe köterude eşkımge ese jıbergen joq. Osylaişa, ol 115 kelı köterıp, kümıs medalǧa ie boldy.Üzdık üştıkke polşalyq Ioanna Lohovskaia endı (80+105). Sondai-aq, būl halyqaralyq jarysqa qazaqstandyq zıltemırşı İbragim Bersanov te qatysyp jatyr. 30 tamyzda ol 109 kelı salmaqta baǧyn synaidy. Jarys onlain rejimde ötıp jatyr.
"Adyrna" ūlttyq portaly
