Qyrküiek aiy jaqyndaǧan saiyn ata-anadan da, ūstazdardan da maza kete bastaǧandai. Biylǧy jaŋa oqu jyly qalai bolmaq? Üide otyryp bılım ala ma oquşylar, älde mektepke baryp sabaǧyn oqi ma? Üide otyrsa, ony kım oqytady, qalai oqytady? Mektepke barsa, qauıptı virus qynadai qyrmai ma? Osyndai sūraqtar oquşysy bar ärkımdı de mazalauda. Osyǧan orai bır mäselege qatysty bırneşe pıkırdı qatar berudı jön sanadyq.
Näziia JOIаMERGEN, jurnalist: «Men balalarymdy mektepke jıbermeimın! Indet älı basylǧan joq. Adamdar älı ölıp jatyr. «Mūǧalımder oqytsyn, üide oqytpaimyz» dep jürgender - qandai ata-ana? Nervısı jetpeidı eken dep, basqalar balalarynyŋ basyn qaterge tıguı kerek pe? Keşe bır äiel: «Balam 1-synypqa barady, mūǧalım üiretkenı dūrys qoi», - deptı. Sonda ärıp tanytu, qosu-aludy üiretuge jetpeitın naǧylǧan jüike ol? Balalar distansiia saqtamaidy, qol jumaidy, antiseptiktı paidalanbaidy, gigienany da saqtamaidy. Öitkenı olar - BALA. Olardy köz aldyŋda ūstaǧan qauıpsız ǧoi. Mektepten jūqtyryp kelıp, üidegı ülkenderdı auyrtuy mümkın. Koronavirustyŋ syryn älı eşkım bılmeidı. Bır ret auyrǧan adam bırneşe ret auyruy mümkın dep jatyr. Künı keşe ǧana Facebook betı köŋıl aituǧa tolyp kettı. Ölım-jıtım köbeidı. Nege? Öitkenı ındet - öte qauıptı. Saqtanu kerek. QR Bılım ministrlıgınıŋ mektepter men JOO-larda jyl soŋyna deiın qaşyqtan oqytuǧa qatysty şeşımın qoldaimyn. Ministrlık balalardyŋ ǧana emes, ata-analar men mūǧalımderdıŋ taǧdyryna alaŋdaǧandyqtan osyndai qadamǧa baryp otyr. Eger auyldarda İnternet joq bolsa, oǧan Bılım ministrlıgı kınälı emes!
Nūrdäulet NŪRÄDIL: «Qūrmettı ministr myrza, qoǧamnyŋ belsendı müşelerı!
1-synypty «onlain oqytu» degen baryp tūrǧan absurd! Ata-ana bolyp balam bırınşı synyp tabaldyryǧyn attaidy dep quanyp jür edım. Söitsem, synypta 40 baladan oqidy eken, oǧan da köndım. Endı «Onlain oqu» degenıne müldem kelıse almaimyn!
Ärıptı taiaq dep tanymaityn balaǧa onlain ne üiretuge bolady? Synypta otyryp mūǧalım tälımın almasa balanyŋ tüp tamyryna, bılım qazyǧyna balta şabu emei, nemene?!
Bızdegı äleumettık jaǧdai är türlı ekenın eskeru kerekpız. Eger būlai jasaityn bolsaq, üiınde 3-4 balasy bar adamdar men jūmys ısteitın ata- ananyŋ balalary müldem sauatsyz bolyp şyǧady. Qanşa jerden tärtıp jarǧysyn jazyp äure bolǧandaryŋyzben bıreudıŋ üiıne ony ornata da, tolyq oryndata da almaisyzdar.
Eger onlain qaldyrsaŋyzdar, bız ata-analar balalarymyzdy jasyryn toptarǧa, aqyly mektepterge beruge mäjbür bolamyz. Sızder oǧan eş qarsylyq körsete almaisyzdar. Ondai kezde karantin jaiynda qalary anyq.
Men barlyq karantin şaralaryn tolyq ärı qataŋ saqtai otyryp BRINŞI SYNYPTARDY AŞUDY SŪRAIMYN.
P.s. Mynau bız baratyn mekteptıŋ jadnamasy. Köp balasy bar üide būl talapty saqtau qiyn dep oilaimyn».
Aigül KÄDIRBEK, mūǧalım (aty jönı öz sūrauymen özgertılıp alyndy): «Ata- analardyŋ uaiymy oryndy. Ekı jaǧdaida da balasynyŋ erteŋıne alaŋdauly ata-ananyŋ ünın estisız. Alaida būl jerde üşınşı bır mäsele bar. Ol balanyŋ sapaly bılımı der edım. Mynadai jaǧdaida sapaly bılım turaly oilau mümkın emes. Onlain oqytu turaly kurstar oqytylyp bastaldy mūǧalımderge. Şynymdy aitaiyn ba? Bärı dalbasa! Kursty üş kün oqydyq. Oqytuşylar özderı tüsınetın şyǧar ne aityp otyrǧanyn, al jeke özım tük te tüsınbedım. Qazırgı zaman tehnikasynyŋ tılın bır kısıdei bıletın, kompiuterdıŋ bırneşe baǧdarlamasynda erkın jūmys ısteitın men älgı kurstan eşteŋe tüsınbedım. Al tehnika tılın bılmeitın mūǧalımder şe, olar qaitedı? Saiyp kelgende, bükıl mūǧalımge «kurstan öttı» degen sertifikat berıledı, ıs bıttı, esepke mör basyldy. Aldaǧy oqu jyly sauatsyzdardyŋ sanyn eselep köbeitıp, el erteŋıne balta şabuǧa jol aşatyn jyl dep qorqamyn. Şyndap kelgende, bärımız köktemdegı siiaqty vatsappen tapsyrma berıp, sabaq oqytqan bolamyz, boldy. Mektepke baryp, kezekşı synypta oqidy degen de bos söz. Nege deseŋız, bır synypqa bırneşe ret uaqytqa bölıp sabaq ötken mūǧalım temırden jaralmaǧan ǧoi. Sürlıge şarşaidy. Al şarşaǧan adamnan qandai sapaly bılım talap etesız? Qoryta aitqanda, onsyz da qojyraǧan bılım salasy aldaǧy uaqytta adam aiaityn jaǧdaiǧa jetetın boldy».
Osy mäselege bailanysty bırneşe oquşyny da sözge tartyp kördık. «Sabaqty qalai oqimyz? Endı ne bolar eken? Onlain oqyǧanymyz dūrys nemese mektepke barǧanymyz dūrys edı» degen syŋaidaǧy jauaptyŋ bırın kütken ümıtımız aqtalmady. Ökınışke qarai, sondai oquşylar jolyqty ma, äiteuır bır söilesken jetı oquşynyŋ jeteuı de jaŋa oqu jyly üşın eşqandai alaŋdauşylyq bıldıre qoimady. «Köktemdegıdei ötırık sabaq oqimyz, kanikulymyz taǧy da jalǧasatyn siiaqty ǧoi» desıp, oquşylarymyz ışkı quanyştaryn jasyrmady da. «Ötırık sabaq» degenderıne qaraǧanda, ülkenderdıŋ bıtpeitın «ötırıgıne» oquşylardyŋ da etterı öle bastaǧan-au, şamasy.
Meruert HUSAİNOVA,
«Adyrna» ūlttyq portaly.
