Qazaqstanda köşı-qonǧa bailanysty memlekettık qyzmetter «bır tereze» prinsipı boiynşa bekıtılgen standartqa sai ūsynylady. "Azamattarǧa arnalǧan ükımet" MK" KEAQ Almaty qalasy boiynşa filialynyŋ Halyqqa qyzmet körsetu jönındegı köşı-qon bölımı şeteldıkterge üşınşı jyl qyzmet körsetude.
Eger būryn rezident emes tūlǧa 6 türlı ūiymǧa - salyq, polisiia, auruhana, saqtandyru kompaniialary, foto salondar men bankterge baryp, är jerde kezekke tūruǧa mäjbür bolsa, qazır būl qyzmetter bır jerde jäne «bır tereze» qaǧidaty boiynşa, kedergısız qyzmet körsetu standarttaryna sai körsetıledı.
Būl jerde medisinalyq tekserıs pen daktiloskopiiadan ötıp, saqtandyru polisın räsımdeuge jäne jeke säikestendıru nömırın aluǧa bolady. Būǧan deiın şeteldıkter Qazaqstanda jūmys ısteuge rūqsat alu üşın bes kün jürse, endı rūqsatty bır saǧattyŋ ışınde räsımdei alady.
Mysaly, biyl 10 nauryz künı Almatyǧa Äzırbaijannan Naim Abbas esımdı azamat jūmys ısteu maqsatynda kelgen. Almaty migrasiialyq HQO-na tırkelu merzımın ūzartuǧa kelıptı.
«Bır tereze» ädısımen bır ortalyqtan jūmysymnyŋ jyldam bıtkenıne alǧysyn bıldıremın. Qyzmet körsetuşıler de sypaiy, mädeniettı», - deidı ol.
Bohadur Abduraşidov, Özbekstan azamaty: -Men Özbekstan azamatymyn. Köşı-qon bölımıne qūjattarymdy jasatuǧa keldım. Mūnda bärı tez eken. Qūjattarymdy tez arada räsımdep berdı.«Azamattarǧa arnalǧan ükımettıŋ» Almaty qalasyndaǧy Halyqqa qyzmet körsetu jönındegı köşı-qon bölımı "Eŋbek migranttaryna rūqsattar beru jäne ūzartu», "Şeteldıkterge JSN qalyptastyru», "Qazaqstanǧa uaqytşa keletın şeteldıkter men azamattyǧy joq adamdardy tırkeu» memlekettık qyzmet türlerın ūsynady. Künıne orta eseppen 1000-nan 1200-ge deiın qyzmet aluşylar keledı. Karantin kezınde şekaranyŋ jabyq tūruy sebeptı, şeteldıkter sonşalyqty köp emes. Jalpy, qazaqstandyq Migrasiialyq HQO ülgısın TMD elderınıŋ memlekettık organdary ülgı retınde alyp jür. Ötken jyldary bızdıŋ täjıribenı üirenuge bırneşe Ortalyq Aziia elderınıŋ ökılderı kelıp kettı», - deidı "Azamattarǧa arnalǧan ükımet" MK" KEAQ Almaty qalasy boiynşa filialynyŋ direktory Daniiar Qyryqbaev. Migrasiialyq HQO aşylǧaly berı şeteldıkterge 216 934 qyzmet körsetılgen. Naqtyraq aitqanda, 2018 jyly -11970, 2019 jyly - 156 679, biylǧy jyl basynan berı 48 285 qyzmet körsetılıptı. Eŋbek etuge rūqsat etu boiynşa 2019 jyldyŋ 7 aiynda 41992 qyzmet körsetılse, osy jyly būl san 29347-nı qūraǧan. Uaqytşa tırkelgender ötken jyly 57897 bolsa, biyl 22415, JSN qalyptastyru boiynşa 8756 alynyp, biyl ol osy uaqyt aralyǧynda 2589- ge deiın tömendegen. Pandemiia kezınde bızdıŋ memleketımızdegı migranttar jaǧdaiyna qarailasyp, karantin kezınde tırkeu merzımı ötkenı üşın eşqandai äkımşılık jaza qoldanylmady. Sonymen qatar zaŋ boiynşa eŋbek immigranttaryna bızdıŋ memleketımızde bır jyl tūruǧa rūqsat etıletın, bıraq karantinge bailanysty būl merzımdı ūzartty. Esterıŋızge sala ketsek, "Azamattarǧa arnalǧan ükımet" MK" KEAQ Almaty qalasy boiynşa filialynyŋ Halyqqa qyzmet körsetu jönındegı köşı-qon bölımı öz qyzmetın 2018 jyldyŋ 28 tamyzynan bastady, Äuelı Almaty qalasy, «Nūrkent» yqşamaudanynda aşylǧan bolatyn, osy jyldyŋ 13 şıldesınen bastap «Şūǧyla» yqşamaudanyndaǧy «Nauryzbai audany Äkım apparaty» KMM ǧimaratyna köşken. Halyqqa qyzmet körsetu jönındegı köşı-qon bölımınıŋ jūmys uaqyty düisenbı men senbı aralyǧynda, taŋǧy saǧat 9.00-den keşkı saǧat 18.00-ge deiın.
Gülvira Asqarqyzy,
"Adyrna" ūlttyq portaly
