Memleket basşysy Qasym-Jomart Toqaev QR Konstitusiiasy künıne orai qūttyqtau joldady, dep habarlaidy "Adyrna" tılşısı Aqordaǧa sılteme jasap.
Qūrmettı otandastar!
Barşaŋyzdy Qazaqstan Respublikasynyŋ Konstitusiiasy künımen qūttyqtaimyn! Osydan 25 jyl būryn Tūŋǧyş Prezidentımız – Elbasy Nūrsūltan Äbışūly Nazarbaevtyŋ bastamasymen qazırgı Ata zaŋymyz qabyldandy. Būl qadam tereŋnen tamyr tartatyn memlekettıgımızdı tyŋ örıske bastap, Qazaqstan Respublikasynyŋ kürdelı geosaiasi jaǧdaidaǧy damuynyŋ daŋǧyl jolyn aiqyndady. Konstitusiiamyzda belgılengen adam qūqyǧy men bostandyǧy, saiasi jäne äleumettık-ekonomikalyq qūrylym qaǧidattary ädılettı qoǧam men quatty memlekettıŋ ainymas tūǧyryna ainaldy. Halyq bilıgı, teŋdık, bırlık, zaŋ üstemdıgı siiaqty qasterlı ūstanymdar myzǧymas ūstyn retınde qalyptasyp, Qazaqstannyŋ keleşektegı jan-jaqty damu baǧdarynyŋ mazmūnyn aişyqtai tüstı. Ata zaŋymyz uaqyt ruhyna jäne azamattarymyzdyŋ talap-tılegıne sai keledı. Sondai-aq, onyŋ jasampazdyq äleuetı saiasi jüie men äleumettık-ekonomikalyq qatynastardy odan ärı jetıldıruge baǧyttalǧan. Bız memlekettıŋ berık konstitusiialyq negızıne süiene otyryp, eldegı kelısım men saiasi tūraqtylyqty saqtaimyz jäne azamattyq qoǧammen syndarly bailanysty jalǧastyra beremız. Qazırgı qiyndyqtardy bırge eŋserıp, közdegen maqsatymyzǧa jetetınımızge senımım mol. Elımızge amandyq, jūrtymyzǧa yntymaq pen baq-bereke tıleimın!"Adyrna" ūlttyq portaly
