UBT kezinde kezekshi muǵalim talapkerge test suraqtaryn fotoǵa túsirýge kómektesken. Bul týraly "Adyrna" tilshisi Dıdar Smaǵulovtyń Facebook paraqshasyna silteme jasap habarlaıdy.
Ókinishke oraı, tártipti qamtamasyz etetin kezekshiniń ózi qylmystyq áreketke baılanysy bar ekeni týraly faktiler anyqtaldy.
Qarańyzdarshy, qandaı "batyrlyqpen" suraq kitapshasyn fotoǵa túsirip otyrǵan balany denesimen jaýyp turǵanyn.
Kem degende onyń bilim berý salasynan jumystan bosatylýyn, al odan beter shara retinde qatal jaýapkershilikke tartylýyn talap etetin bolamyz, - deıdi Dıdar Smaǵulov
UBT beınejazbalarynyń qorytyndysy boıynsha 158 test tapsyrýshynyń nátıjesi joıylǵan. Olardyń 97-si grant ıegeri atanǵan. Nátıjesi joıylǵandardyń ishinde 138 ball alǵan túlek te bar eken.
Osy iske baılanysty, ádil tapsyrǵan, biraq grantqa ótpegen 97 bala 2 apta ishinde grant ıegeri atanady.
Grantqa ıelik etken túlekter aldaǵy ýaqytta habarlanady.
Esterińizge sala keteıik, Bilim jáne ǵylym mınıstrliginiń mamandary buǵan deıin beıne baqylaý kameralarynyń tekseriletinin habarlaǵan.
"Adyrna" ulttyq portaly
