Şymkentte jaŋa oqu jyly 172 bılım beru mekemesımen 222 myŋǧa juyq oquşymen bastaldy.
Bırınşı toqsan jalpy qaşyqtyqtan oqytu formatynda jürgızıledı. 14 940 bastauyş synyp oquşylary üşın ata- analarynyŋ ötınışı negızınde qataŋ sanitarlyq talaptardy saqtai otyryp, 996 kezekşı synyptar aşylady.
Şymkent qalasynyŋ äkımı Mūrat Äitenov barşa bılım salasynyŋ qyzmetkerlerın jaŋa oqu jylymen qūttyqtady.
– Indetke bailanysty elımızde alǧaş ret oquşylarymyz jaŋa oqu jylyn qaşyqtan oqumen bastauda. Alaida qala mektepterı oqu jylyna daiyn. Onlain bılım alu üşın tolyǧymen internet jüiesıne qosylǧan. 17 myŋnan astam qala ūstazdary IT boiynşa bılımderın arttyrdy.
Bügıngı künı kompiuterler sany 20 201-dı qūrap otyr. Biyl 10 975 dana kompiuter satyp alyndy. Odan bölek, QR Ükımet qory jäne jergılıktı biudjet esebınen 36 355 kompiuterlık qūrylǧylar alu jūmystary bastaldy. Kelgen qūrylǧylar qajettılıgı bar oquşylarǧa uaqytşa paidalanuǧa berıletın bolady. Nätijesınde, jyl basyndaǧy 1 kompiuterge 24 oquşydan keletın körsetkış 4-ke tömendeidı.
Jalpy qalanyŋ demografiialyq ösımıne bailanysty jyl saiyn mektep oquşylarynyŋ sany 12 myŋnan astam balaǧa artuda. Atalǧan mäselelerdı şeşu maqsatynda Şymkent qalasynyŋ orta bılım beru salasynda jan basyna qarjylandyru jüiesın endıru arqyly jekemenşık mektepter jelısın arttyru jūmystary atqaryluda.
Biyl oquşylar bılım künın ūly aqynnyŋ «Ǧylym tappai maqtanba» öleŋımen bastady. Öitkenı biyl elımızde Abai Qūnanbaiūlynyŋ 175 jyldyǧy merekesı atalyp ötılude. Būl oraida taǧy bır quanyşty jaŋalyq, biyl qalamyzda Abai Qūnanbaiūly atyndaǧy daryndy balalarǧa arnalǧan mektep-gimnaziia aşyldy.
Sondai-aq, Şymkentte sifrlandyru boiynşa bırqatar jobalar jüzege asyryluda. Qalada jaŋa oqu jylynan bastap «Sifrly Qazaqstan» baǧdarlamasy aiasynda «Daryndy balalarǧa arnalǧan mamandandyrylǧan IT lisei-internaty» esıgın aiqara aşty. 5 «IT mektep-liseiı» qaita qūru arqyly jaŋa baǧytta jūmys ısteidı. Osyǧan bailanysty 12 STEM laboratoriialaryn aşu da josparlanuda.
Odan bölek, biylǧy jaŋa oqu jylynda «Oquşylar saraiy» bazasynda zamanaui jabdyqtarmen qamtamasyz etılgen «IT-ortalyǧy» qosymşa bılım beredı.
Biyl elımızde Äbu Nasyr Äl-Farabidyŋ 1150 jyldyǧy, Abai Qūnanbaiūlynyŋ 175 jyldyǧy jäne Şämşı Qaldaiaqovtyŋ 90 jyldyǧy atalyp ötılude. Ūly tūlǧalardyŋ ūrpaq tärbiesınde berer taǧylymy mol.
Oquşylar, ūstazdar jäne ata-analarǧa tabysty jyl tıleimın! Alǧan bılımderıŋız jemıstı bolsyn!, – dedı qala äkımı.
Şymkent qalasynyŋ Aqparattyq-kommunikaiialyq ortalyǧy
