Özge elder sekıldı keşe Qazaqstanda da jaŋa oqu jylynyŋ alǧaşqy künı bastaldy. Jyldaǧy dästürge sai alǧaşqy qoŋyrau soǧylmady, ärine. Desek te, soŋǧy ailarda Bılım jäne ǧylym ministrlıgı men internetke jauapty ministrlık tarapynan aitylǧan sözderge imandai ilanǧanymyz ras. Mektepter qaşyqtan oqytuǧa daiyn degen ministrler men keşelı berı äleumettık jelıde qaptaǧan ata-analardyŋ aiǧaiy, narazylyǧynyŋ qaisysy şyn, qaisysy ötırık?
Tamyzdyŋ 31-künı ǧana jaŋa oqu jylyna daiynbyz degen ministr Ashat AIMAǦAMBETOV qol astyndaǧylardyŋ «oryndaldy» dep qaǧazǧa soqqan mörıne senıp qaldy ma, älde basqalai boldy ma, belgısız, elımız jaŋa oqytu jüiesıne daiyn bolmai şyqty. Keşe alǧaşqy sabaq künı zoom platformasynda bılım almaqqa ūmtylǧan oquşy men ūstazdyŋ eŋbegı zaia kettı dese de bolady. Öitkenı jüktemenı kötermegen internet oquşy men mūǧalım arasyndaǧy bailanystyŋ berekesın qaşyrǧan. Bügın de däl sol jaǧdai qaitalandy. Mysaly, matematika pänı mūǧalımı «myna jaqqa kırıŋder» dep zumnyŋ parolın jıberse, däl osy minutta orys tılı pänınıŋ mūǧalımı «myna jaqqa kırudı» tapsyruda. Ökınışke qarai, ekı jaqqa da kıru mümkın emes. Bır ǧana sabaqty tarta almai otyrǧan internetıŋız ekı sabaqqa qatar kırse, mäŋgıge öşerı sözsız. Al bır uaqytta ekı türlı sabaqqa oquşysyn şaqyrǧan mūǧalımder bıtpeitın qaǧazbastylyqtan şarşaǧan ba, älde ministrlık tarapynan tolassyz berılıp jatqan tapsyrmalar şatystyryp jıbergen be, äiteuır keşelı berı bılım salasynda sapyrylys jürıp jatyr.
Al BilimLand platformasy keibır ata-ananyŋ jüikesıne salmaq tüsırgenı sondai, «balamdy jyndyǧa ainaldyratyn boldyŋdar» dep baibalamǧa basuda. Būl qai jerdıŋ, kım degen ata-anasy ekenın äzırge anyqtap bıle almadyq. Qajet dep tapsa, qūzyrly mekeme ökılderı anyqtai jatar. Būl jerdegı eŋ maŋyzdy mäsele bılım ala almaǧan balaǧa qatysty. «Artyq qylam dep, tyrtyq qylu» osylai bolsa kerek. Oquşylardy BilimLand jüiesınde sabaq oqytu qanşalyqty mümkın jäne qanşalyqty tiımdı? Basty sūraq osy.
Nazarbaev ziiatkerlık mektebınıŋ oquşysyna laiyqtalyp jasalǧan platformany qarapaiym mektepterge tyqpalau ne üşın kerek? Onsyz da internetı ireleŋdegen Qazaqstanda bılım berudıŋ qarapaiym, qoljetımdı platformasyn jasauǧa ne kedergı? Jaŋa oqu jylyna daiynbyz degen ministrlık qai elde tūryp jatqanydaryn nazarǧa almaǧany ma?
Jaŋa oqu jylyna arnaiy bekıtılgen 990 teŋgelık tarif te jūrttyŋ qaltasyn qaǧudan ärıge aspaǧanyna keşegı jäne bügıngı kün köz jetkızdırdı. Arnaiy tarif emes, jyldamdyǧy täuır degen WiFi-dıŋ özı keşelı berı «sandalyp ketkendei» küi keştı. Sabaq oqu üşın BilimLand jüiesıne kıru üşın saǧattap otyruǧa tura keledı. Al internet sapasyn jaqsartamyz dep qūrǧaq uäde bergender qazaqstandyq milliondaǧan oquşynyŋ obalyna qalǧanyn tüsıner me eken?
Tamyzdyŋ 21-ı künı «Vise-ministr Daryn Tūiaqov künbe-kün QR Bılım jäne ǧylym ministrlıgınıŋ jauapty jetekşılerımen, bılım basqarmalarynyŋ basşylarymen, oblys äkımı orynbasarlarymen, audan äkımderımen jäne bailanys operatorlarymen bırge onlain rejimde ärbır öŋır, audan, auyl, äsırese şalǧai auyldardaǧy internet mäselesın jäne ony şeşu joldaryn jan-jaqty talqylaidy.
Audan äkımdıgı men bılım basqarmalarynyŋ ökılderı öz öŋırlerındegı internet, bailanys mäselelerın ortaǧa salyp, bailanys operatorlarynan aqaulardy joiu nemese bailanys arnalarynyŋ ötkızu qabıletın küşeitudıŋ naqty şeşımderı men öz sūraqtaryna jauap alady.
Bügınge barlyq oblyspen osyndai onlain kezdesuler ötkızılıp, oquşylardy qaşyqtan nemese dästürlı oqytuǧa daiyndyq deŋgeiı anyqtaldy» dep aqparat taratqan QR Sifrlyq damu, innovasiialar jäne aeroǧaryş önerkäsıbı ministrlıgı bügınge deiın internet problemasyn şeşpegenı qalai?
https://youtu.be/yVulCEsFm-s
Meruert HUSAİNOVA, «Adyrna» ūlttyq portaly.
Foto aşyq derekközden alyndy.
