İrannyŋ eks-prezidentı Mahmud Ahmadinejad halyqtyŋ esınde erekşe köşbasşy retınde qaldy. Saiasatker 2005-2013 jyldar aralyǧynda el biledı. Ol halyqqa jaqyn boluǧa, tūrǧyndardyŋ qajettılıkterı men talaptaryn tüsınuge tyrysty.
Jūmysqa avtobuspen baratyn prezident
Mahmud Ahmadinejad - öte qarapaiym adam. Basşy jūmysqa avtobuspen baryp, kez kelgen adam siiaqty jol aqysyn töleitın edı. Ol el basqarǧan şaqta jūbaiy köptegen qarapaiym äielder sekıldı bılım beru mekemelerınıŋ bırınde eden juuşy bolyp jūmys ıstegen.
«Halyqtyŋ qūlymyn»
Bırde amerikandyq jurnalist prezidentten «Ainadaǧy beineŋızden kımdı köresız?»-dep sūraǧan. Sonda Mahmud «Ainadaǧy beineme ünemı «Halyqtyŋ qūly ekenıŋızdı ūmytpaŋyz» dep aitamyn»,- dep jauap berıptı.
Rasymen de, Ahmadinejad būl ūstanymdy berık ūstandy. Basşy qyzmetke kırısken alǧaşqy künnen bastap el tūrǧyndaryn taŋǧaldyrumen boldy. Ol eŋ aldymen jūmys bölmesındegı barlyq qymbat parsy kılemderın meşıtke berudı būiyryp, özı kädımgı arzan tösenışterdı töseuge şeşım qabyldady.
«Jastarǧa jol beru kerek»
M.Ahmadinejad el bilegen şaqta professorlardy erte zeinetke şyǧardy. Bilıktıŋ tüsındırmesı boiynşa, būl jastarǧa jol beru üşın jasalǧan.
Qoi baǧyp jürgen eks-prezident
Mahmud Ahmadinejadtyŋ 1977 jylǧy eskı Peugeot kölıgı men äkesınen qalǧan şaǧyn üiı ǧana bar. Basşy basqa şeneunıkterdı de baqylauda ūstaudy jön kördı. Eks-prezidenttıŋ basşylyǧymen ministr qyzmetıne kırıskenderdıŋ barlyǧy «baiymaimyn» degen qaǧazǧa qol qoidy. Sondai-aq, olardyŋ tuystarynyŋ esepşottary da mūqiiat tekserılıp otyrdy. 2013 jyly otstavkaǧa ketkennen keiın, Mahmud aqşa üşın emes, halyqtyŋ igılıgı üşın jūmys ıstedım dep prezidenttıŋ arnaiy zeinetaqysynan bas tartty. Qazırgı taŋda ol universitette därıs oqyp, jalaqysyna ömır sürude. Bos uaqytynda qoi baǧady.
Diana ASAN,
«Adyrna» ūlttyq portaly
