Qazaqstan mausym aiynan bastap Reseige qara metal synyqtaryn eksporttaudy toqtatty. Qazaqstannyŋ būl şeşımıne narazy bolǧan Resei Euraziialyq ekonomikalyq komissiiaǧa (EEK) şaǧym tüsırgen. Būl turaly LS saity jazdy dep habarlaidy Abai.kz.
Metal synyqtarynyŋ ornyna Qazaqstan daiyn önım retınde bolatty eksporttaidy. Alaida EEK Qazaqstannyŋ būl äreketın odaqtastar arasyndaǧy sauda bailanysyna kedergı keltırdı dep qarastyrady.
Statistika komitetınıŋ habarlauynşa, 2019 jyly Qazaqstan Reseige 203,6 mln dollarǧa 947,8 myŋ tonna metal synyqtaryn jöneltse, 2020 jyldyŋ bırınşı jartyjyldyǧynda 34,4 myŋ dollarǧa 283,8 myŋ tonna synyq eksporttalǧan.
Reseidıŋ metallurgiialyq kompaniiasyndaǧy derekközge süiensek, mamyr aiynan bastap Qazaqstannan jetkızıletın metal synyqtary üş esege azaiyp, mausym aiynan bastap eksport tolyǧymen toqtaǧan.
EEK qorytyndysyna säikes, 10 mausymda «Qazaqstan temır jolynyŋ» enşıles käsıporny - «KTZ-Freight Freight» eksportqa jöneltılgen qara jäne tüstı metal synyqtary men qaldyqtary tielgen vagondardy tasymaldauǧa tyiym salǧan būiryq şyǧardy. Al, 2018 jyldan bastap Qazaqstanda qara jäne tüstı metaldar synyqtary men qaldyqtaryn avtomobilmen tasymaldauǧa tyiym salynǧan bolatyn.
Barer qūru turaly mäsele ekıjaqty kelıssözder kezınde talqylanuy mümkın nemese EEK alqasynyŋ talqysyna salynady. Istıŋ sotqa jetuı ekıtalai.
Foto aşyq derekközden alyndy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz