Azamattarymyz BAÄ-de ölım jazasyna kesılgen jaǧdaida bilık kömektese almaidy. Būl turaly bas prokurordyŋ orynbasary Bolat Dembaev aitty dep habarlaidy «Adyrna» ūlttyq portaly zakon.kz-ke sılteme jasap.
2 qyrküiekte parlamenttıŋ tömengı palatasy Bırıkken Arab Ämırlıgınde sottalǧan azamattardy elge qaitaru jönındegı kelısımdı ratifikasiialau mäselesın talqylady.
Kezdesu barysynda deputattar bas prokuror orynbasarynan azamattarymyz BAÄ-de ölım jazasyna kesılgen jaǧdaida olardy elge auystyru qalai jüzege asyrylatynyn sūrady.
Kelısım Qazaqstan azamatyna jazbaşa ötınış jazu arqyly elşılıkke jügınuge mümkındık beredı. Būl jaǧdaida Qazaqstan öz azamatyn elge qaitara alady. Bilık jazalanuşyǧa Ämırlık soty şyǧarǧan ükımdı taǧaiyndauǧa mındettenedı. Mysaly, eger BAÄ soty Qazaqstan azamatyn 15 jylǧa bas bostandyǧynan aiyrsa, elımızdıŋ soty da ony osy merzımge sottauy tiıs.
«Eger elımızde ölım jazasy qarastyrylmaǧan bolsa, onda bız jazalanuşyny qylmysyn öteu üşın elge äkele almaimyz. Būl jaǧdaida bız onyŋ ötınışın qanaǧattandyrudan bas tartamyz»,- dedı Bas prokurordyŋ orynbasary.
Deputattar öz kezegınde Dembaevtan män-jaidy tolyq tüsındırudı sūrady.
- «Sız qazır «bas tartamyz», «qalady» dep oŋai aityp otyrsyz. Būl bızdıŋ azamattyŋ taǧdyry! Sızdı qazır bükıl el estıp otyr. BAÄ - qazaqstandyqtar jiı baratyn memleket. Ömır - būl ömır. Bıraq kenetten bır närse bolyp qaldy delık. Sol kezde bızdıŋ azamattyŋ taǧdyry ne bolatynyn tüsınuımız qajet. «Bızde ölım jazasy joq, ol qalady» deisız. Eger solai bolsa, bız oilanyp, kelısımdı qaita qarastyruymyz kerek», - dedı Mäjılıs töraǧasy Nūrlan Nyǧmatulin.Syrtqy ıster ministrlıgınıŋ ökılı elımızde ölım jazasyn taǧaiyndau jaǧdailary bolmaǧanyn atap öttı. Alaida, mūndai jaǧdai basqa elderde bolǧan. «Keibır Europa elderı Ämırlıktıŋ bilık organdaryna jügındı, alaida olardyŋ ötınışı qarastyrylmady. Öitkenı, būl elderde ölım jazasy joq. Osy täjıribege süiensek, bızde de osyndai jaǧdai qaitalanatyn şyǧar, - dep tüsındırdı Syrtqy ıster ministrlıgınıŋ qyzmetkerı. Dembaevtyŋ aituynşa, mūndai kelısımder oŋ nätije beredı. 2019 jyly Qazaqstan 104 azamatty basqa elge jıberdı, nätijesınde biudjet ünemdeldı. Al 28 azamat elge oraldy. Biyl Qazaqstan 21 sottaluşyny elıne jıberıp, 10 otandasymyzdy Qazaqstanǧa qaitaryp aldy.
- «Sız tek sandardy keltırıp, olardy ülken jetıstık retınde körsetıp otyrsyz. 104 azamatty jıberıp, 28 otandasymyzdy qaitardyq. Özge elder üşın jūmys ısteitın mūndai kelısımşarttar bızge ne üşın qajet? Bız, saiyp kelgende, azamattarymyzdyŋ elge oraluyna kepıldık beretın kelısımder jasauymyz kerek. Olar jazalansyn jäne jazalaryn osy jerde ötesın. Kelısımderge qol qoiǧan kezde sızdıŋ basty maqsatyŋyz osyndai boluy kerek», - dep qorytyndylady Nūrlan Nyǧmatulin.Būǧan deiın BAÄ-de bes qazaqstandyqtyŋ abaisyzda kısı öltırgenı jäne ūrlyq jasaǧany üşın jazasyn ötep jatqandyǧy habarlanǧan bolatyn. Esırtkı men psihotroptyq zattardy satqany üşın taǧy bır äiel jazasyn öteude.
«Adyrna» ūlttyq portaly
