Aqjarqyn Tūrlybaidy elge qaitaru üşın onyŋ jazbaşa ötınışı kerek. Al mūndai ötınış Bas prokuraturaǧa älı tüspegen.
Bas prokurordyŋ orynbasary Marat Ahmetjanov Qytaida ömır boiyna bas bostandyǧynan aiyrylǧan Aqjarqyn Tūrlybaidy ekstradisiialau tärtıbın tüsındırdı, dep habarlady
Sputnik Qazaqstan tılşısı.
"Oǧan qatysty sot ükımı zaŋdy küşıne endı. Bızde Qytai Halyq Respublikasymen sottalǧan adamdardy beru turaly kelısım bar. Aldymen Aqjarqyn Tūrlybaidyŋ özı jazasyn Qazaqstanǧa öteuge kelısım berıp, jazbaşa ötınış beruı kerek. Odan keiın bız ekıjaqty kelısım boiynşa QHR-dyŋ prokuraturasyna sottalǧan azamatymyzdy beru turaly habarlama jıberemız", - dedı Ahmetjanov ortalyq kommunikasiialar qyzmetınde ötken onlain brifingte.
Onyŋ aituynşa, Aqjarqyn Tūrlybaidyŋ tarapynan jazbaşa ötınış älı tüsken joq. Bıraq ony elge qaitaruǧa tolyq mümkındık bar.
"Ol jaqta Aqjarqyn ömır boiyna bas bostandyǧynan aiyryldy. Bız de osy qylmys üşın özımızde qandai sanksiia bar ekenın qaraimyz. Mysaly, Qazaqstanda Qylmystyq kodekstıŋ 297-baby, iaǧni, esırtkını tasymaldau men satu boiynşa ömır boiyna bas bostandyǧynan aiyru jazasy da qarastyrylǧan. Eger onyŋ äreketı soǧan säikes kelse, onda, menıŋşe, barlyq materialdy zerdelep şyqqannan keiın ony Qazaqstanda jazasyn öteu üşın ekstradisiialauǧa tolyq mümkındık bar", - dep atap öttı Ahmetjanov.
Appeliasiialyq alqa öz şeşımın şyǧardy
Ötken jyly Guanchjou qalasynyŋ halyq soty esırtkı kontrabandasy üşın aiyptalǧan qazaqstandyq Aqjarqyn Tūrlybaidy ömır boiyna bas bostandyǧynan aiyru turaly ükımdı özgerıssız qaldyrǧan bolatyn. Qorǧauşy tarap sot ükımıne şaǧym jasady. Bıraq taiauda apelliasiialyq instansiia sottyŋ şeşımın taǧy özgerıssız qaldyrdy.
Bügınde Aqjarqyndy Qazaqstan Respublikasy men Qytai Halyq Respublikasy arasynda sottalǧan adamdardy beru turaly kelısımmen ekstradisiialauǧa mümkındık bar. Osy qūjat 2015 jyly küşıne engen bolatyn. Oǧan säikes, Aqjarqyn Tūrlybaiǧa qatysty ükımdı oryndaudy Qytai iurisdiksiiasynan Qazaqstanǧa berudı qoldanuǧa bolady.
Sottalǧan azamatty beru boiynşa kelıssözder Qazaqstan Bas prokuraturasy men QHR uäkılettı organy arasynda jürgızıledı.
Aqjarqyn Tūrlybaidyŋ ısı
Qazaqstan azamaty Aqjarqyn Tūrlybai 2014 jyly nauryzda Guanchjou äuejaiynda ūstalǧan bolatyn. Oǧan şekaradan 4,5 kelı esırtkını alyp ötpek boldy degen aiyp taǧyldy. Ol kezde otandasymyz 20 jasta bolǧan edı. 2015 jyldyŋ mausymynda Qytai soty ony ömır boiyna bas bostandyǧynan aiyrdy. Sotta Aqjarqyn şeteldık dosy aldap ketkenın aityp, kınäsın moiyndaǧan joq.
2016 jyly sot şeşımı joiylyp, ıs qaita qarauǧa jıberıldı.
2019 jyly Tūrlybaidyŋ anasy Zuhra Seitımova Qazaqstan prezidentıne kömek sūrap hat jazdy.
Keiın Qasym-Jomart Toqaev Qytaiǧa sapary kezınde Aqjarqyn Tūrlybaidyŋ mäselesın kötergen bolatyn.
Qazaqstannyŋ Qytaidaǧy elşılıgınıŋ mälımetıne süiensek, Tūrlybai qasyndaǧy sottalǧandarǧa aǧylşyn tılın üiretıp jür. Sonymen qatar, körkem ädebiet oqidy, dene şynyqtyrumen de ainalysady. Qytai tılın jaqsy meŋgerıp alǧan.
