Qazaqstan futbol federasiiasy halyqqa esep beruı tiıs

Qazaqstan futbol federasiiasy Europa futbol qauymdastyǧy odaǧyna (UEFA) müşe bolyp qabyldanǧaly berı osy sportty damytuǧa memlekettık qazynadan ondaǧan milliard dolar qarjy jūmsap keledı. Futbol älıppesın Braziialiiaǧa aparyp üiretken jastarynyŋ saida sany, qūmda ızı qalmady. Ketken şyǧyndy öteudıŋ ornyna taǧy da milliondar şyǧaryp, şetelden  jaldamaly oiynşylar men bapkerler şaqyrtu beleŋ alyp ketken. Salynǧan stadiondardyŋ qūny öz aldyna,  Premer-ligada oinaityn futbolşylarymyz  orta eseppen 4 500 000 teŋge kölemınde ailyq alatyn körınedı. Būǧan qarap otyryp, oblystardaǧy biudjettıŋ edäuır bölıgı ülken futbolǧa bölınetının anyq baiqauǧa bolady. Mäselen, Qostanai oblysyndaǧy «Tobyl» futbol klubynyŋ biylǧy biudjetı 12,90 million euro bolsa, «Astana» biudjetı – 22,58 million euro. Söite tūra Europadaǧy  klubtyq oiyndarda qaryq qylyp öner körsetken komanda bolmai tūr. Mäselen, ötkende ǧana Chempiondar ligasynyŋ ırıkteu satysyna qatysqan «Astana» futbol kluby Belarustıŋ «Dinamo-Brest» komandasynan 3:6 esebımen oisyrai ūtylyp, jarystan şet qaldy. Sol «Astanada» oinaityn Marin Tomasov, Dmitri Şomko, Dorin Rotariu, İvan Maevskii sekıldı oiynşylardyŋ qūnyn körseŋ, töbe şaşyŋ tık tūrady.

Aty-jönı	Azamattyǧy	Jasy	Kluby	Baǧasy
Marin Tomasov	Horvatiia	32	«Astana»	2,80 mln euro
Eseola	Ukraina, Nigeriia	29	«Qairat»	2,50 mln euro
Iаsek Guralskii	Polşa	27	«Qairat»	2,40 mln euro
Roman Mūrtazaev	Qazaqstan	26	«Tobyl»	2,0 mln euro
Dmitri Şomko	Qazaqstan	30	«Astana»	2,0 mln euro
Dorin Rotariu	Rumyniia	25	«Astana»	1,7 mln euro
Sotiriru	Kipr	27	«Astana»	1,4 mln euro
Dino Mihanovich	Horvatiia	26	«Qairat»	1,4 mln euro
Stas Pokatilov	Qazaqstan	27	«Qairat»	1,4 mln euro
Joao Paulo	Braziliia	32	«Ordabasy»	1,4 mln euro
Dmitrii Nepagodov	Qazaqstan, Ukraina	32	«Astana»	1,4 mln euro

  Baiqaǧanymyzdai, elımızdegı eŋ qymbat 11 oiynşynyŋ 5-euı «Astana» komandasynda dop tebedı, ärı olarǧa alǧaşqy ainalymnan asa almaǧany üşın milliondap aqşa töleidı. «Astananyŋ» süreŋsız oiynynan keiın Mihal Beliktı ornynan alyp tastady. Belik sekıldı talai bapker keldı būl elge. Sonyŋ bırı de qazaq futbolyn örge süirei almady. Al solarǧa ketken şyǧynnyŋ ötelmeitını ekıbastan belgılı. Ketken bapker ketıp tynsa jaqsy ǧoi, Mihalyŋyz myqty eken. Ūlttyq qūramanyŋ bas bapkerı bolyp qala berdı. Künı keşe osy bapker bastaǧan aiaqdopşylar Ūlttar ligasy aiasynda Belarus qūramasyna 1:2 esebımen ese jıberdı. Būl ūtylystan Beliktıŋ qalpaǧy da qisaimaidy. Esesıne QFF taǧy bır bapkerge şyǧyndanudy bastaityny anyq. Qazır arqany keŋge salatyn kezeŋ artta qaldy. Jalǧyz bızdıŋ eldıŋ  emes, älem ekonomikasy damuyn tejetıp, keibır elderdıŋ aştyqqa ūşyrauy mümkın ekenı aityluda. Düniejüzılık azyq-tülık baǧdarlamasynyŋ basşysy Devid Bisli: -Bızde barlyq mälımet saqtalady, pandemiiaǧa deiın  tamaqqa zäru bolǧan adam būryn 140 million bolǧan. Al jyl soŋyna deiın būl körsetkış 270 millionǧa jetuı mümkın, - deptı. Osyndai qauıptı kezeŋde biudjet aqşasynyŋ edäuır bölıgı öndırıske emes, otandyq futbol klubtaryna ketıp jatyr. Olar jetıstıkke jetıp jatsa quanatyn-aq edık. Qazır aiaqdopşylardy jalǧyz bız emes, basqa sport türlerınıŋ ökılderı de jaqtyrmaityn därejege jetken. Onyŋ sebebı  belgılı. Älem, Aziia jäne halyqaralyq jarystardyŋ keibır jeŋımpazdaryna berılmegen syiaqy naşar oinaityn futbolşylarymyzǧa berılude. Futbol oiynyna, onyŋ damuyna qarsylyǧymyz joq. Alaida biudjet esebınen tabysynan airylǧan azamattarymyzǧa 42 500 berıp, qonaqqa kelıp ketetın jaldamaly oiynşylarǧa mln-dap aqy töleudı aqylǧa qonymsyz äreket dep bılemız. Öz halqyn özekke tepkızgen futbol bızge kerek pe? Sondyqtan da futbol basşylyǧy älem jäne Europa chempionattaryna ırıkteu kezeŋderınıŋ finaldyq satysyna şyqpaq tügılı ūpai alsa quanatyn jaǧdaiǧa jetkızgenı üşın, memlekettıŋ qazynasyn oŋdy-soldy şaşqany üşın  halyqqa esep beruı tiıs.

Janbolat Sarqasqa,

"Adyrna" ūlttyq portaly