Qazaqstan fýtbol federaııasy halyqqa esep berýi tıis

3513
Adyrna.kz Telegram

Qazaqstan fýtbol federaııasy Eýropa fýtbol qaýymdastyǵy odaǵyna (UEFA) múshe bolyp qabyldanǵaly beri osy sportty damytýǵa memlekettik qazynadan ondaǵan mıllıard dolar qarjy jumsap keledi.

Fýtbol álippesin Brazııalııaǵa aparyp úıretken jastarynyń saıda sany, qumda izi qalmady. Ketken shyǵyndy óteýdiń ornyna taǵy da mıllıondar shyǵaryp, shetelden  jaldamaly oıynshylar men bapkerler shaqyrtý beleń alyp ketken. Salynǵan stadıondardyń quny óz aldyna,  Premer-lıgada oınaıtyn fýtbolshylarymyz  orta eseppen 4 500 000 teńge kóleminde aılyq alatyn kórinedi. Buǵan qarap otyryp, oblystardaǵy bıýdjettiń edáýir bóligi úlken fýtbolǵa bólinetinin anyq baıqaýǵa bolady. Máselen, Qostanaı oblysyndaǵy «Tobyl» fýtbol klýbynyń bıylǵy bıýdjeti 12,90 mıllıon eýro bolsa, «Astana» bıýdjeti – 22,58 mıllıon eýro.

Sóıte tura Eýropadaǵy  klýbtyq oıyndarda qaryq qylyp óner kórsetken komanda bolmaı tur. Máselen, ótkende ǵana Chempıondar lıgasynyń irikteý satysyna qatysqan «Astana» fýtbol klýby Belarýstiń «Dınamo-Brest» komandasynan 3:6 esebimen oısyraı utylyp, jarystan shet qaldy. Sol «Astanada» oınaıtyn Marın Tomasov, Dmıtrı Shomko, Dorın Rotarıý, Ivan Maevskıı sekildi oıynshylardyń qunyn kórseń, tóbe shashyń tik turady.

Aty-jóni  

Azamattyǵy

 

Jasy Klýby Baǵasy
Marın Tomasov Horvatııa 32 «Astana» 2,80 mln eýro
Eseola  

Ýkraına,

Nıgerııa

29 «Qaırat» 2,50 mln eýro
Iaek Gýralskıı Polsha 27 «Qaırat» 2,40 mln eýro
Roman Murtazaev Qazaqstan 26 «Tobyl» 2,0 mln eýro
Dmıtrı Shomko Qazaqstan 30 «Astana» 2,0 mln eýro
Dorın Rotarıý Rýmynııa 25 «Astana» 1,7 mln eýro
Sotırırý Kıpr 27 «Astana» 1,4 mln eýro
Dıno

Mıhanovıch

Horvatııa 26 «Qaırat» 1,4 mln eýro
Stas Pokatılov Qazaqstan 27 «Qaırat» 1,4 mln eýro
Joao Paýlo Brazılııa 32 «Ordabasy» 1,4 mln eýro
Dmıtrıı Nepagodov Qazaqstan,

Ýkraına

32 «Astana» 1,4 mln eýro

 

Baıqaǵanymyzdaı, elimizdegi eń qymbat 11 oıynshynyń 5-eýi «Astana» komandasynda dop tebedi, ári olarǵa alǵashqy aınalymnan asa almaǵany úshin mıllıondap aqsha tóleıdi.

«Astananyń» súreńsiz oıynynan keıin Mıhal Belıkti ornynan alyp tastady. Belık sekildi talaı bapker keldi bul elge. Sonyń biri de qazaq fýtbolyn órge súıreı almady. Al solarǵa ketken shyǵynnyń ótelmeıtini ekibastan belgili.

Ketken bapker ketip tynsa jaqsy ǵoı, Mıhalyńyz myqty eken. Ulttyq quramanyń bas bapkeri bolyp qala berdi. Kúni keshe osy bapker bastaǵan aıaqdopshylar Ulttar lıgasy aıasynda Belarýs quramasyna 1:2 esebimen ese jiberdi. Bul utylystan Belıktiń qalpaǵy da qısaımaıdy. Esesine QFF taǵy bir bapkerge shyǵyndanýdy bastaıtyny anyq.

Qazir arqany keńge salatyn kezeń artta qaldy. Jalǵyz bizdiń eldiń  emes, álem ekonomıkasy damýyn tejetip, keıbir elderdiń ashtyqqa ushyraýy múmkin ekeni aıtylýda.

Dúnıejúzilik azyq-túlik baǵdarlamasynyń basshysy Devıd Bıslı: -Bizde barlyq málimet saqtalady, pandemııaǵa deıin  tamaqqa zárý bolǵan adam buryn 140 mıllıon bolǵan. Al jyl sońyna deıin bul kórsetkish 270 mıllıonǵa jetýi múmkin, - depti.

Osyndaı qaýipti kezeńde bıýdjet aqshasynyń edáýir bóligi óndiriske emes, otandyq fýtbol klýbtaryna ketip jatyr. Olar jetistikke jetip jatsa qýanatyn-aq edik. Qazir aıaqdopshylardy jalǵyz biz emes, basqa sport túrleriniń ókilderi de jaqtyrmaıtyn dárejege jetken. Onyń sebebi  belgili. Álem, Azııa jáne halyqaralyq jarystardyń keıbir jeńimpazdaryna berilmegen syıaqy nashar oınaıtyn fýtbolshylarymyzǵa berilýde.

Fýtbol oıynyna, onyń damýyna qarsylyǵymyz joq. Alaıda bıýdjet esebinen tabysynan aırylǵan azamattarymyzǵa 42 500 berip, qonaqqa kelip ketetin jaldamaly oıynshylarǵa mln-dap aqy tóleýdi aqylǵa qonymsyz áreket dep bilemiz. Óz halqyn ózekke tepkizgen fýtbol bizge kerek pe?

Sondyqtan da fýtbol basshylyǵy álem jáne Eýropa chempıonattaryna irikteý kezeńderiniń fınaldyq satysyna shyqpaq túgili upaı alsa qýanatyn jaǵdaıǵa jetkizgeni úshin, memlekettiń qazynasyn ońdy-soldy shashqany úshin  halyqqa esep berýi tıis.

Janbolat Sarqasqa,

"Adyrna" ulttyq portaly

Pikirler