"Taraz" futbolşylary Ǧafurjanǧa qoldau bıldıruge şaqyrdy

«Taraz» futbol klubynyŋ oiynşylary Qazaqstan ūlttyq qūramasynyŋ müşesı Ǧafurjan Süiımbaevtyŋ Belarus qūramasymen ötken sätsız oiynyna tüsınıstıkpen qarap, qoldau körsetuge şaqyrdy.   «Qadırlı futbol janküierlerı! Ūlttyq qūrama oiynşysy Gafurjan Süiımbaevtyŋ jaǧdaiyna tüsınıstıkpen qarauǧa şaqyramyz. Belarussiia qūramasyna qarsy oiynda jıberılgen qatelık oiyndaǧy sätsız epizod bolyp tabylady. Futbolda mūndai jaǧdailarǧa tıptı ūly oiynşylar da tap bolyp, sporttyŋ barlyq türı boiynşa älemdık ligalarda oryn alyp jatady. Bıraq şeksız synai beruge sebep emes. Gafurjan Süiımbaev ūlttyq qūrama sapynda öz ornyn laiyqty alǧan jäne oiyn mänerı qalyptasyp, özınıŋ paidaly oiynşy ekendıgın däleldep keledı. Litvamen bolǧan matchta qaptalmen dopty alyp ötıp, bırınşı gol soǧylatyn sätte Bauyrjan İslamhanǧa ädemı pas jetkızgen osy Gafurjan bolatyn. Odan keiın Sirgedastyŋ soqqysyna tosqauyl bolyp, eseptı teŋestırıp ketetın jaǧdaidan aman alyp qaldy. Özge de sätterde jaqsy oinap, ūlttyq qūramanyŋ jeŋısıne aitarlyqtai öz ülesın qosty! Qūrmettı futbol janküierlerı! Ǧafurjanǧa qatysty pıkırlerıŋız ūlttyq qūramaǧa degen janaşyrlyqpen jäne emosiiaǧa berılıp aitylyp jatyr dep tüsınemız. Degenmen şynaiy tüsınıstıkpen qabyldap, qoldau bıldıruge şaqyramyz! Ūlttyq qūramalar kezdesulerınde oŋai oiyndar bolmaidy. Evropalyq deŋgeidegı şeberlıgı tolysyp jatqan komandalarmen oinauǧa turaly keledı. Mūndai matchtarda jüike syr berıp jatady. Bıraq ärbır futbolşy ūlttyq qūramada ülken jauapkerşılık baryn jete sezınedı jäne jetıstıkke jetu üşın barlyq küştı jūmsaidy. Barlyǧymyz bırlıgımızdı körsetıp, Gafurjandy jäne Qazaqstan ūlttyq qūramasyna qoldau jasaiyq! Bızdıŋ qūramaǧa älı Ūlttar ligasy turnirınde öz tobynda bırınşı orynǧa talasady! Qūrmetpen, «Taraz» futbol klubynyŋ bapkerlık qūramy men oiynşylary