Messendjerler men äleumettık jelılerde taratylǧan Qazaqstanda zeinetkerlık jastyŋ özgertıluı turaly aqparat şyndyqqa janaspaidy. Būl turaly "Adyrna" Eŋbek minisrlıgıne sılteme jasap habarlaidy.
"Qoldanystaǧy zaŋnamaǧa säikes, erler üşın zeinetkerlık jas 63 jasta, äielder üşın qazırgı uaqytta – 59,5 jasta bastalady.
Sondai-aq, Bıryŋǧai jinaqtauşy zeinetaqy qorynda (būdan ärı - BJZQ) jetkılıktı jinaqtalǧan zeinetaqy qarajaty bar Qazaqstan Respublikasynyŋ azamattary zeinetaqy annuitetı qūqyǧyn (zeinetkerlık jasqa jetkenge deiın zeinetkerlıkke şyǧu) paidalana alady. Zeinetaqy annuitetı erler üşın – 55 jas, äielder üşın – 51,5 jas mölşerınde belgılengen. Ziiandy eŋbek jaǧdailarynda jūmys ısteitın azamattar 50 jastan bastap zeinetaqy annuitetın paidalana alady.
Sonymen bırge, «Qazaqstan Respublikasynda zeinetaqymen qamsyzdandyru turaly» zaŋda äielderdıŋ zeinetkerlık jasyn 2018 jyldan 2027 jylǧa deiın 10 jyl ışınde, 6 ai saiyn arttyru közdelgen.
Äielderdıŋ zeinetkerlık jasyn arttyru yntymaqty zeinetaqy jüiesınıŋ bırtındep «toqtatyluyna» bailanysty (yntymaqty zeinetaqy taǧaiyndau üşın eŋbek ötılı 1998 jylǧy 1 qaŋtarǧa deiın ǧana esepke alynady, sondyqtan onyŋ mölşerı jyldan jylǧa azaiady). Osyǧan orai äielderge jinaqtauşy zeinetaqy jüiesıne qatysu merzımın jäne jinaqtalǧan zeinetaqy qarajatynyŋ kölemın ūlǧaituǧa mümkındık berıledı. Būl bolaşaqta olarǧa BJZQ-dan zeinetaqy tölemderın jäne memlekettık bazalyq zeinetaqy tölemın joǧary mölşerde aluǧa mümkındık beredı, onyŋ mölşerı 2018 jylǧy 1 şıldeden bastap zeinetaqy jüiesıne qatysu ötılıne bailanysty bolady.
Sonymen bırge, zeinetkerlık jastyŋ ūlǧaiuy qazırgı uaqytta zeinetaqyny erte aluǧa qūqyǧy bar äielderge äser etpeidı:
– 5 nemese odan da köp bala tuyp (asyrap alyp), olardy segız jasqa deiın tärbielegen äielder - 53 jasta;
– Semei iadrolyq synaq poligonynyŋ tötenşe jäne eŋ joǧary radiasiialyq qaupı bar aimaqtarynda 1949 jylǧy 29 tamyzdan 1963 jylǧy 5 şıldege deiın kemınde 5 jyl ömır sürgen äielder - 45 jasta.
Äielder üşın jūmys ıstemeitın ananyŋ balalaryna kütım jasaǧan uaqytyn, bıraq är bala 3 jasqa tolǧanǧa deiın, barlyǧy 12 jyl şamasyndaǧy uaqytyn zeinetaqy taǧaiyndau üşın eŋbek ötılıne esepke alu boiynşa jeŋıldık saqtaldy.
Azamattardan jalǧan aqparatqa nazar audarmaudy jäne aqparatty tek resmi közderden ǧana aludy sūraimyz. Jalǧan aqparatty taratu zaŋ boiynşa jazalanatynyn eske salamyz, - delıngen habarlamada.
