«Zoom»-daǧy onlain sabaq porno men balaǧat sözden köz aşpai tūr

Aqtöbede bır mekteptıŋ qaşyqtan oqytuy kezınde belgısız bıreu balaǧat sözder men ūiatsyz habarlar jıbergen,  dep Stan.kz aqparat agenttıgı habarlaidy. Oqiǧa turaly äleumettık jelılerde mektep oquşylarynyŋ ata-analary mälımdedı. "Zoom basqa oqu qosymşalary siiaqty kiberşabuyldarǧa ūşyraidy. Ökınışke qarai, bız de oǧan tap boldyq. Aqtöbe qalasy,..... mektep, 6 synyp. Hat almasuda balalarǧa qorqynyşty habarlar jazatyn belgısız adam paida boldy. Nelıkten osy qosymşamen oqu jalǧasuda? Nelıkten bızdıŋ balalar qorǧalmaidy?  Balalarymyzdy qaşanǧa deiın mazaq etedı? Bala psihologiialyq jaraqat aluy nemese qorquy mümkın! Oqytu ädısterın qaita qaraudy sūraimyz!", - delıngen habarlamada. Qalalyq bılım basqarmasynyŋ mektepke deiıngı jäne jalpy orta bılım beru bölımınıŋ basşysy Gülnaz Myrzaǧalieva sabaqtyŋ 17-şı mektepte ötkenın aitty. "Būl matematika sabaǧy boldy. ZOOM-konferensiia kezınde böten adamnyŋ atynan oquşy retınde konferensiiaǧa şyǧyp, balaǧat sözder aita bastady. Mūǧalım būl adamdy öşırdı, ol taǧy bır ret basqa atpen konferensiiaǧa kırdı. Qazırgı uaqytta būl böten adam ekendıgı anyqtaldy, bıraq kım ekenı belgısız. Sondyqtan ıs män - jailardy anyqtau üşın polisiia departamentıne jıberıldı", - dep tüsındırdı ol. Bolǧan oqiǧaǧa qaramastan, mektepterdegı oqu älı bastalmaidy. "Oqytu formaty pandemiiaǧa bailanysty oquşylar men pedagogtardyŋ qauıpsızdıgıne bailanysty taŋdaldy. Sondyqtan sabaqtar qaşyqtyq formatta jalǧasady", - dedı Myrzaǧalieva. Esterıŋızge salyp öteiık, osyǧan deiın astanalyq bır mekteptıŋ onlain sabaǧy kezınde porno körsetılım «kırıp ketıp» oquşy da, mūǧalım de yŋǧaisyz jaǧdaiǧa qalǧan bolatyn. Foto aşyq derekközden alyndy.