Üş närsenıŋ maŋyzy joq: jastyŋ, bet-älpettıŋ, mınezdıŋ. Adamnyŋ tartymdylyǧy oǧan täueldı emes. Qyzdyŋ jasy 20 bolǧanda oǧan bärıbır. Ol özıne ūnaidy. Eşkımnen qoryqpaidy. Ūnaǧan jıgıtpen qol ūstasady. Ūnamaǧannyŋ keudesınen kerı iteredı. Mäsele, 15 jyldan keiıngı jaǧdaiy neşık? Soǧan tırelıp tūr. Ol adam tanymastai özgeredı. Öz-özıne ūnamaidy. Keipı adam şoşyrlyq. Kosmetikalyq salondarǧa barǧyştaidy. Plastikalyq hirurgtardyŋ aldyn bosatpaidy. Bärınıŋ sebebı – jastyq şaǧyn saqtap qalu degen patologiialyq tılek. Elge ūnasam deidı. 35+ jastaǧy äiel zatynyŋ jürısı özgeredı. Bükıreiıp, aiaǧyn ışke basady. Senımsızdıgı baiqalady. Būrynǧydan ekı ese köp boianady. Kosmetikany tonnalap qoldanady. Sebebı, öz bet-jüzınen ūialady. Osymen tyiylsa jaqsy. Keibırı jeŋıl kosmetikalyq proseduradan kürdelısıne auysady. Aqyry otamen aiaqtalady. Şyn mänınde būl öte qiyn patologiia. Öz tänıŋdı zorlau. Medisinalyq taǧaiyndaularsyz özıŋdı keskıleuge rūqsat etu. Adam densaulyǧyn saqtau üşın jasalatyn otanyŋ jönı bölek. Al, sūlulyq üşın özıŋdı aiamau degen patologiia. Alaida osy jastyq şaǧymdy saqtap qalsam degen tılek bärıbır oryndalmaidy. Nege ekenın bılesız be? Äieldıŋ sanasynda 20 jasta menı bärı jaqsy köredı degen stereotip otyrady. Iаǧni, el menı jaqsy köru üşın men 20 jastaǧy qyzdai sylanyp jüruım kerek dep şeşedı. 20 jasar qyzdy sūlu bolǧany üşın emes, özıne senımdı bolǧany üşın jaqsy köretını miyna qonbaidy. Al qazırgı 35 jasta sol senım setıneidı. Özın keremet sezınbei qalady. Qazırgı zamanda jastyq şaqty saqtau degen gipertrofikalyq kult bar. 20-dan 40 jasqa deiıngı erler jalpy jastyq şaq turaly oilanbaidy. Al 45 asqan soŋ köp er adam qartaiyp bara jatqanyn sezınedı. Älı de tartymdy ekenın sezınu üşın özıne jas qyz ızdei bastaidy. Tabu-tappauy ekıtalai, ärine. Degenmen, sol jas qyzǧa degen ūmtylysy älgı kultty tudyrǧany. Tek jastar ūnaidy, tek jastar qalaidy, tek jastar qūmartady dep oilaidy. Eş paidasy joq ştamptar bar. Tūrmysqa tek jastar şyǧady. Tek jas adamǧa qūmartady. Tek dūrys erkektermen tanysatyn arnaiy oryndar bar. Senı baǧalauy üşın bırqatar arnaiy ıstı meŋgeru şart. Bärı ötırık. Tamaşa jıgıttı avtobusta da kezdestıresıŋ. Nemese qoqys töguge şyqqanda. Dükende kezekte tūrǧanda. Taǧysyn taǧy. Sen özıŋdı qalai baǧalasaŋ, ainaladaǧy adamdar da senı solai baǧalaidy degendı aitqannan şarşaǧan emespın. Ol erkekke de qatysty. Bıraq qazırgı äŋgıme ol turaly emes. Özıŋdı qalai sezınseŋ, būl bet-älpetıŋde körınıs beredı. Nege? Sebebı, erkek senıŋ bet-älpetıŋdı emes, ne sezıngenıŋdı ǧana körmek. Al eger äiel böten jüzben jüruge daiyn bolsa, endeşe ıştei ol özın mülde jaqsy körmegenı. Özınıŋ bolmysyn baǧalai almaityny. Eşbır ota mūny jasyryp qala almaidy. Qūmarlyǧyn oiatatyndai tartymdy bolu degen ne? Seksualdy tartymdylyq – būl belgılı bır parametrlerdıŋ jiyntyǧy emes. Soǧan sai boluǧa talpynu qajet emes. Eger adamǧa öz tänı ūnasa, sol adam tartymdy. Bırneşe tanymal jūptardy atap ketkım kelıp tūr. Olardyŋ zaiyptarynyŋ eşbırı sūlu deuge kelmeidı. Ioko Ono – sonyŋ jarqyn mysaly. Türden tür joq, symbaty da onşa emes, közge tüserlık dymy joq. Al Lennon – symbatty, iyǧy keŋ, kelbettı jıgıt. Pirs Brosnan men onyŋ 120 kelı äielı. Hiu Djekman men onyŋ Deborasy. Banderas pen Griffit. Talai adamdy atap şyǧuǧa bolady. Qūmarlyq degen tän symbatyna, jasyŋa, salmaǧyŋa, qanşa äjımıŋ baryna qaramaidy. Qūmarlyq ışten şyǧady. Adam bolmysy solai jaralǧan. Adamnyŋ psihikasy solai jaralǧan. Eger adam özıne ūnai bastasa, onda sol sätte syŋaryn tauyp alady. Nazar audaratyndar, köŋıl bıldıretınder, mahabbatyn däleldeitınder tabyla ketedı. Jas şamasy da, syrtqy älpet te, mınez de qūmarlyqqa kedergı bola almaidy.
Mihail Labkovskii Audarǧan Şynar Äbılda
"Adyrna" ūlttyq portaly
