1-shi top múgedegi Aıdos Medıanov karateniń qara belbeýine ıe boldy dep habarlaıdy «Adyrna» Astana TV telearnasyna silteme jasap.
32 jastaǵy Aıdos týǵannan sal aýrymen aýyrady. Onyń bala kúngi armany karate sportynyń sheberi bolý. Múmkindigi shekteýli bolǵanyna qaramastan, armanǵa jetý úshin aıanyp qalmaǵan. Baldaqpen sport zalyna alǵash kelgeni de, áli esinde. Qazir ony tastaǵan. Oǵan qosa Japon tilin úırenip júrgenin aıtty.
Aıdos MEDIaNOV, I TOP MÚGEDEGI:
-Qara beldeýge jetýge qoıyp, osy jolda 8 jyl jattyqtym.
Sportshyny bastapqyda eshqandaı jattyqyrýshy qabyldamapty. Qazirgi jattyqtýryshysyn ınternettan taýyp alǵan. Rústem Sultanbekov týa bitti sal aýrýyna shaldyqqan sportshymen jumys istegenin kórip, qolqa salǵan. Ustazy densaýlyǵyna keri áseri bolýy múmkin ekendigin eskertken. Biraq Aıdos alǵan betinen qaıtpady deıdi. Degenmen jattyǵý jumystary ońaıǵa soqpaǵan.
Rústem SULTANBEKOV, A.MEDIaNOVTYŃ JATTYQTYRÝShYSY:
Árıne, aıtarlyqtaı qıyn boldy. Óıtkeni ol úshin alańdadym. Biraq Aıdostyń jankeshtiligi meni tańqaldyrdy. Aptasyna úsh ret bir jarym saǵat jattyǵady. Sportzalǵa bara almaǵan kezde de, jattyǵýdy úıde jalǵastyrdy. Nátıjesinde qara belbeý emtıhanyna tolyǵymen daıyn boldy - denesimen de, rýhymen de. Men adamdardy saý jáne deni saý emes dep bólmeımin. Eńbek esh ketken joq. Arman oryndaldy. Erekshe sportshy qara belbeý ıegeri atandy.
Aıdos MEDIaNOV, I TOP MÚGEDEGI:
Ózińdi kem dep sanamaýǵa tyrysý kerek. Iá, ómirde qıyndyqtar bolady. Barlyq esikter birden ashyla salmaıdy. Menińshe, adam tyryspasa, eshteńe bolmaıdy.
Aıdos munymen toqtap qalmaıtynyn aıtty. Jattyǵýlaryn jalǵastyra bermek, bolashaqta ózi sııaqty jandardy karatege daıarlaýdy maqsat etip otyr. Budan ózge jetistigi de az emes. 4 tildi jetik meńgergen sportshy, zańger mamandyǵy boıynsha bilim alyp júr.
«Adyrna» ulttyq portaly
