Qazaqstandyq fýtbolshy, «Beshıktash» klýbynyń sportshysy Baqtııar Zaınýtdınov Túrkııa Sýperlıgasynyń 12-týrynda jaraqat alyp qaldy, Bul týraly Prosports.kz jarııalady, dep habarlaıdy “Adyrna” ulttyq portaly.
Dopqa talas kezinde onyń betine «Istanbýl Bashakshehır» klýbynyń oıynshysy Djerom Opokýdyń shyntaǵy qatty tıip ketken. Saldarynan Zaınýtdınovtyń bas súıegi, kózi jáne murnyna zaqym kelgen. Osylaısha, «Istanbýl Bashakshehırmen» bolǵan oıynnyń 41-mınýtynda jartylaı qorǵaýshyny aýystyrýǵa týra keldi.
Fýtbolshy Ystambuldaǵy aýrýhanalardyń birine jatqyzyldy.
Atalǵan oıynda «Beshıktash» 1:0 esebimen jeńiske jetti.
Qazaqstan fýtbol federaııasy Zaınýtdınovtyń jaraqaty jáne onyń ulttyq qurama matchtaryna qatysýy týraly málimdeme jasady:
«Matchtyń 37-shi mınýtynda beti men murnynan soqqy alyp, oıyndy jalǵastyra almaǵan fýtbolshymyz Baktıer Zaınýtdınovtyń muryn súıegi men ańǵalaǵynyń negizi synǵany anyqtaldy. Zaınýtdınovtyń murnyna ota jasalyp, tańǵysh qalaq salyndy», - delingen klýbtyń resmı málimdemesinde.
Zaınýtdınovtyń alańǵa qashan oralatyny ázirge belgisiz: ol Qazaqstan quramasyna 2024 jylǵy Eýropa chempıonatynyń irikteý týrnıriniń San-Marıno jáne Slovenııa quramalaryna qarsy sheshýshi matchtarynda oınaı almaıtyn kórinedi.
