Şetelde oqyǧan 2 myŋnan astam student otandyq joǧary oqu oryndaryna auysty dep habarlaidy «Adyrna» Bılım jäne ǧylym ministrlıgıne sılteme jasap.
QR BǦM būǧan deiın şeteldık joǧary oqu oryndarynda öz betınşe oqyǧan qazaqstandyq studentterge otandyq joǧary oqu oryndaryna auysuǧa kömektestı. Studenterge qūjattardy räsımdeu barysynda joo-lardyŋ virtualdy qabyldau komissiialary arqyly jeŋıldetılgen format ūsynyldy.
Şeteldık joǧary oqu oryndarynyŋ basym bölıgı qazaqstandyq joo-lar siiaqty oqu jylyn qaşyqtan bılım beru tehnologiialaryn paidalana otyryp bastady. Alaida, keibır şeteldık joo-lar öz studentterıne qaşyqtan oqytudy jalǧastyru üşın platformalar ūsyna almady.
Tamyz aiynyŋ basynda BǦM oquyn jalǧastyru üşın özıne bailanysty emes sebepter boiynşa elden şyǧa almaǧan studentterge kömek körsete bastady. Aldyn ala qabyldanǧan şeşımderdıŋ arqasynda 2 myŋnan astam qazaqstandyq student otandyq joǧary oqu oryndaryna auysuǧa niet bıldırdı. Osy sanattaǧy azamattardy qoldau maqsatynda arnaiy jedel jelı ıske qosylyp, qūjattardy qabyldau prosedurasy jeŋıldetıldı.
«Adyrna» ūlttyq portaly
