Şymkent qalasynda salalardy sifrlandyru men memlekettık qyzmetterdı elektrondy formatqa köşıru baǧytynda bırqatar auqymdy jūmystar jasalynuda.
Atap aitqanda, biyl segız ai ışınde Şymkent qalasy äkımdıgı 2, 5 million qyzmettıŋ 2 million 200 myŋy nemese 86,1 prosentın elektrondy türde körsetken. Iаǧni byltyrǧy jylmen salystyrǧanda memlekettık qyzmettı elektrondy türde alǧan azamattardyŋ sany 700 myŋǧa ösken.
Būl jönınde bügın Şymkent qalasynyŋ äkımı Mūrat Äitenov "Şymkent - adaldyq alaŋy" jobasy ANTIKOR LIVE tıkelei efirınde aitty.
- Qala äkımdıgı byltyr 181 qyzmet türın körsetse, biyl tūrǧyndarǧa yŋǧaily boluy üşın keibır qyzmet türlerı oŋtailandyrylyp, olardyŋ sany 160 bolyp bekıtıldı. 2019 jyly 181 qyzmettıŋ 91-ı, iaǧni 50 prosentı elektrondy formatta körsetılse, osy jyly 160 qyzmettıŋ 132-sı (83%) elektrondy türde körsetıledı. Būl ötken jylmen salystyrǧanda qyzmetterdı elektrondy türde körsetu 33 paiyzǧa öskenın bıldıredı, - dedı şahar basşysy.
Sondai-aq, äkım jyldyŋ soŋyna deiın qalǧan 28 memlekettık qyzmet türın elektrondy formatqa auystyrudy josparlap otyrǧanyn aitty.
Şymkent qalasy äkımınıŋ baspasöz qyzmetı
