Soŋǧy uaqytta tänın saudalaityn erkekter sany kürt artqan,- dep habarlaidy «Adyrna» ūlttyq portaly Euraziia-1 arnasyna sılteme jasap. Saudanyŋ būl türımen er azamattar köbınese äleumettık jelıler men tanysu saittarynda ainalysady eken.
«Estımegen elde köp» degendei, öz tänın satatyn jıgıtterdıŋ köbısı 18 ben 40 jas aralyǧyndaǧy azamattar. Olar intimdı qyzmetterıne belgılı bır baǧany da belgılep qoiǧan. Pandemiiaǧa qaramastan, saudanyŋ būl soraqy türı qarqyndy jürıp jatqan körınedı. Öz tarapymyzdan sondai jarnamalardyŋ bırneşeuıne arnaiy habarlasyp körıp, tömendegıdei jaitqa köz jetkızdık.
«Sızge intimdı qyzmettıŋ kez kelgen türın jasaimyn. Bar bolǧany uaqytty belgılep, aqşasyn töleseŋız bolǧany. Bır saǧattyq jūmysymnyŋ baǧasy 15 myŋ teŋge. Al eger sızge baruym kerek bolsa, 20 myŋ teŋge bolady», -deidı bız habarlasqan jarnamanyŋ iesı. Aty-jönın jäne baǧasy nege sonşa qymbat ekenın sūrap edık, « menı özıŋız qalaǧan atpen atai berseŋız bolady. Al baǧanyŋ qymbattauy naryqqa bailanysty ǧoi. Byltyr bes myŋ, on myŋǧa jūmys ısteitınbız. Al qazır karantin, būrynǧydai klient köp emes. Amal joq, osylai qymbattatuǧa tura keldı »,- dep küldı.Al bır saǧattyq «jūmysyn» 100 dollar dep baǧalaǧan Nurik esımdı jıgıt: «Men tek vip klientterge qyzmet körsetemın. İntimdı qyzmet körsetude täjıribem öte köp. Sodan bolsa kerek, maǧan köbınese şeneunıkter men baişykeşterdıŋ äielderı tapsyrys beredı», -deidı. Nurik karantin kezınde tūraqty klientterı üilerınen şyǧa almai qinalyp, sol sebeptı osylai jarnama beruge mäjbür bolǧanyn aitady. Būlardan bölek, saǧatyna 5 myŋ teŋgenı mıse tūtatyn jıgıtter de bar eken. «Sızde nege arzan?» degen sūraǧymyzǧa: «Qazırgı kriziske bailanysty osylai arzandatyp, aksiia jasap otyrmyn»,- degen jauap aldyq. Osy mäselege bailanysty äleumettanuşy Äigerım ASYLHAN: «Ärine, bızdıŋ qazaqy ūstanymymyz üşın erkektıŋ būlai aqşa tabuy öte ūiat sanalady. Tepse, temır üzetın jıgıttıŋ jeŋıl jolmen aqşa tabuǧa bet būruy jaqsy närse emes. Desek te, tän saudasyn ūsynǧan erkekterdıŋ būl qadamǧa beker barmaityn tūsyn da eskeruımız kerek. Eŋ aldymen, mūndai sauda sūranystyŋ nätijesınde paida bolǧanyn nazarǧa alaiyq. Sūranys bolmasa, qazırgıdei jarnama qaptamas edı ǧoi, solai ma? Ekınşıden, erkektı būl jaǧdaiǧa äleumettık tūrmys itermeleuı mümkın. Qaltasynda qos diplomy bolsa da, syrt kelbetı qanşa tartymdy bolsa da, laiyqty jūmys tappai qanşama jıgıtter sandalyp jür. Nege? Sol baiaǧy jemqorlyqtyŋ saldary. Jaqsy jūmysqa tūru üşın kökesı ne aqşasy bolmasa, qazırgı qoǧamda öz ornyŋdy tabu qiyn. Osydan keiın ne ıstemek kerek? Aqşa tabudyŋ osyndai jolyna qadam basady ǧoi. Desek te, tän saudasyn qyzdyryp jürgender arasynda «erıkkender» de baryn eskereiık. Qalai bolǧanda da, qazaq qoǧamy mūndai saudanyŋ türın qūptamasy anyq», -degen pıkırde.
Tänın saudalaityn qyzdardy «jezökşe», «jeŋıl jürıstı qyz» deidı jūrt. Al mūndai erkekterdı qalai dep ataǧan jön? Sebebı, osyndai da närse bar eken, habarlaryŋ bar ma dep qūrbylarymyzǧa sūrau salǧanymyzda, köbısı taŋǧaldy, endı bırı külkıge qaryq bolysty.«Mūndai jaǧdai turaly byltyr estıgenmın. Bır şeneunıktıŋ äielı ünemı osyndai jıgıttermen köŋıl köterıp, aqşasyn töleitının qūlaǧym şalyp qalǧan. Sol kezde ärine, qatty taŋǧaldym. Alaida eger küieuınıŋ densaulyǧynda kınärat bolsa, bälkım äielderdıŋ osyndai jıgıtke tapsyrys bergenı de jön şyǧar. Qanşa degenmen, tabiǧattyŋ zaŋdylyǧy ǧoi», -deidı dükende satuşy bolyp ısteitın Almagül apai. Öz tänın saudalauǧa qatysty dındarlar qandai pıkırde degen maqsatpen naib imam Mūhit BAQYTŪLYNA habarlasyp kördık. «İslam dınınde tän saudasy las tırlık sanalady. Lūt paiǧambardyŋ tūsynda da adamdar osyndai azǧyndyqqa baryp, gei, lesbiianka sekıldı qūbylystar jiı kezdesedı eken. Sol tūsta Alladan arnaiy habar jıberılıp, Lūt paiǧambarǧa bır tünde elın tastap, ketıp qaluǧa ämır etıledı.
Paiǧambar elınen alystaǧan tūsta artyna būrylyp qarasa, älgınde ǧana tırşılıgı qyzu jürıp jatqan jer külge ainalǧan deidı. «Jezökşe» erkek qoǧamymyzdyŋ masqara tūsy dep sanaimyn. Būl äreketke baruşyda da, sol qyzmettı tūtynuşyda da ar ūiattyŋ, adami qasiettıŋ qalmaǧanyn körsetse kerek. Menıŋşe, tamaq asyraudyŋ būl türın taŋdaudyŋ künäsı de jeŋıl bolmas. Er azamattarymyz atyna laiyq azamattyŋ jügın köteruı kerek. Jeŋıl jolmen kelgen aqşa jūǧyn bolmaidy. Menı bır sūraq qana mazalaidy, tänın satqan aqşany üiıne äkelgen erkek balasyna aqşany qalai taptym dep aitpaq?!
Rauana DİMAŞQYZY,
«Adyrna» ūlttyq portaly.
