Şymkent qalasynda osy jyly mümkındıgı şekteulı balalardy qoǧamǧa beiımdeu, bılım beru boiynşa jüielı şaralar qabyldanǧan.
Būl jönınde tolyǧyraq Şymkent qalasynyŋ äkımı Mūrat Äitenov "Şymkent - adaldyq alaŋy" jobasy ANTIKOR LIVE tıkelei efirınde aitty.
- Biyl mümkındıgı şekteulı balalardyŋ kedergısız bılım aluyn qamtamasyz etu maqsatynda «MALAHİT arnaiy bılım beru ūiymdarynyŋ qyzmetterı» platformasyn ıske qostyq. Onda arnaiy bılım beru ūiymdary körsetetın qyzmetterdı kedergısız aluǧa mümkındık jasalǧan, - dedı Mūrat Düisenbekūly.
Sonymen qatar, ol tehnikalyq jäne käsıptık bılım beru jüiesın jolǧa qoiu, sūranysy joǧary mamandyqtardyŋ tızbesın qalyptastyryp, olardyŋ ekonomikanyŋ qozǧauşy küşı retındegı rölın joǧarylatu maqsatynda atqarylǧan jūmystardy baiandady.
Qala äkımınıŋ aituynşa, būl baǧytta «College Smart Nation» portaly engızılgen.
Atalǧan portal studentterdı oquǧa qabyldaudy, qajettı anyqtamalardy elektrondy jüie arqyly aludy jäne tegın tamaqpen qamtamasyz etudı qarastyrady eken.
Şymkent qalasy äkımınıŋ baspasöz qyzmetı
