Almaty qalasynyŋ äkımı Baqytjan Saǧyntaev jūrtşylyqty qala künımen qūttyqtady, - dep habarlaidy "Adyrna" ūlttyq portalynyŋ tılşısı.
"Qūrmettı almatylyqtar! Biyl Qala künı sän saltanatty türde ötpeitın bolyp tūr. Barlyq ıs-şaralar onlain ötedı. Pandemiia bızge saq boludy, sanitarlyq qauıpsızdık şaralaryn saqtap, jaŋa tolqynǧa daiyn boludy üirettı.
Būl näubet adamdardy jaqyndastyrdy, qūndylyqtardy özgertıp, jaqynymyzǧa janaşyr, qamqor boluǧa üirettı. Qazırgı qalyptasqan jaǧdaida adamdar därıger men ūstazdyŋ, polisiia men äskeri qyzmetkerdıŋ eŋbegın baǧalai bastady. Olardyŋ aldynda bas iemız. Almatylyqtar, ädettegıdei, özderınıŋ eŋ jaqsy qasietterın paş etıp, erık-jıgerı men tözımdılıgın, bırlıgın körsete bıldı.
Qymbatty qala tūrǧyndary, Sızderdı Qala künımen qūttyqtaimyn! Är otbasyǧa zor densaulyq, baqyt pen amandyq tıleimın! Tuǧan künıŋmen, süiıktı qala!", dep jazdy Instagram paraqşasynda.
Esterıŋızge sala ketsek, 6 şıldede Nūr-Sūltan qalasynyŋ tuǧan künınde Altai Kölgınov komandasy merekelık otşaşu ūiymdastyrǧan.
"Adyrna" ūlttyq portaly
Foto aşyq derekközden alyndy
https://www.instagram.com/sagintayev.b/
