Muhtar Sherim. Ákim bolǵanymdy qaıteıin?!

2598
Adyrna.kz Telegram
Áıteýir, aýyl ákimi bolyp shyǵa keldim. Sony dostarymmen ákimshilikte jýǵanym esimde. Túnniń bir jarymynda jarqanat qusap ushyp kelemin. Aryq arnasynan tasyp ketken sııaqty, qyzýym qyryq gradýstan asyp ketken sııaqty, jelip kelemin. Jáı jelip kele jatqan joqpyn, qııalym sharyqtap, «Ákimmin ǵoı, men ákimmin!» degen kóńilmen, sary maıdaı erip kelemin!
Jazdyń kúni bolǵandyqtan, bala–shaǵamyzben esik aldyndaǵy tapshanda qatar jatatynbyz. Kele salyp, shalbarymdy bir butaqqa ildim de, áıelimniń uıyqtap jatqanyn bildim de, qoınyna qoıyp kettim. Qushaqtap jatyrmyn. Ol ózin kúıeýi pyshaqtap jatqandaı, teris qarap jatqan kúni aıaǵymen tebedi.. Shalqamnan tús ip, kók júzine qaradym. Anaý jarqyryap turǵan meniń juldyzym! Aýyl ákiminiń juldyzy! Qudaı qalasa, jol salamyn dep jeımin, aýylǵa sý, gaz tartamyn dep jeımin, sóıtip astyma bir «Djıp» satyp almasam ba?
Áıelim meni ókpelep qaldy dep oılady ǵoı deımin, maǵan qaraı aýnap, belimnen qushaqtady. Ekeýmiz qushaqtasyp, biraz jattyq. Belinen sıpaladym. Ol meniń arqamdy qasydy. Munysyn túsinbedim. Moınynan ıiskedim, ol meniń murnymnyń ishine saýsaǵyn tyqqyshtady. Munysyn da túsinbedim. Ázildep jatqany shyǵar? «Eı, qatyn, kózińdi ashsańshy? Sen endi aýyl ákimin qushaqtap jatyrsyń! Aýyl ákimiin!»–dep qoıamyn ishimnen. «Ákim boldym!» – dedim men qulaǵyna sybyrlap. Ol: «Sen súmelek qaıdan ákim bolýshy ediń?» – dedi aýzy–murny jybyrlap. Jynym shashymnyń ushar basyna shyqty. Shapalaqpen betine salep jiberdim. Áıelim oıbaılap atyp turdy. Bireý júgirip baryp, esik aldyndaǵy svetti jaqty. Mássaǵan! Áıelim degenim– kórshimniń áıeli! Svetti jaqqan kúıeýi! Myna jaqta jatqan bala–shaǵasy! Aýzym ashylyp qalypty! Mastyǵym mysyq sııaqty mııaýlap ketti. «Eı, kórshi? Áıelim ekeýmizdiń ortamyzda neǵyp jatyrsyń?» dep suraıdy kórshim kijinip. «Sender nege eki jaǵyma jatyp alǵansyńdar?» deımin men de qalyspaı. Ol jýan judyryǵymen tumsyǵyma perip qaldy! «Men ákimmin! Ákimdi ursań, sottalasyń!» dep qoıamyn. Sóıtsem, mastyqpen baıqamaı, kórshiniń sharbaǵyna kirip ketippin ǵoı? Túsine qoıdym da, «Keshirińder, adasyp ketippin!» dep shalbarymdy izdedim. Bir butaqqa ildim desem, kúısep turǵan sıtyrdyń múıizine ile salyppyn. Sıyr tura qashty. Shalbarsyz qalaı kirem endi? Áıelim basqasha oılap qalady ǵoı? Eki úı ary júgirip baryp, Barlybaıdyń aýlasyna urlanyp kirdim. Jaıýly turǵan kıimderdiń arasynan Barlybaıdyń shalbaryn izdep taýyp aldym. Kıinip, úıge kelsem, esik aldy topyrlaǵan adam. Svet jarqyrap tur. Áıelim, bala–shaǵam oıanyp ketipti. Kórshim meni kórip tura umtyldy. Barlybaıdyń shalbary eken dep, ózbek áıeliniń tizeden tómen túsetin dambalyn kıip alǵanymdy polıııa ýchaskesinde biraq bildim. Ne kerek, kórshim aýdanǵa aryz jazyp, bir kún ákim bolyp otyrmastan, qyzmetimnen bosadym! Solaı, dostar,ákim bolǵanymdy qaıteıin, qyzyǵyn kórip úlgemedim ǵoı!

Muhtar Sherimniń qyshqyl satırasy,

«Adyrna» ulttyq portaly

Pikirler