Duty Free Shoppers dükender jelısınıŋ negızın qalauşy, 89 jastaǧy amerikalyq käsıpker Chak Fini bırneşe jyldar būryn jinaǧan 8 milliard dollaryn qaiyrymdylyqqa böldı dep habarlaidy «Adyrna» ūlttyq portaly. Qyrküiek aiynda mesenat basqarǧan Atlantikalyq qaiyrymdylyq qory soŋǧy qarajatyn jūmsap, saltanatty türde jabyldy.
Qaiyrymdylyq - qaiyrly ıs
Käsıpker qaiyrymdylyqpen qyryq jylǧa juyq ainalysqan. Osy jyldar ışınde ol joǧary oqu oryndaryna 3,7 milliard dollar, qūqyq qorǧau oryndaryna 870 million dollar, densaulyq saqtau salasyna 700 million dollar qarjy audarǧan. Bır taŋqalarlyǧy, milliarder ömır boiy köleŋkede qaluǧa tyrysyp, jasaǧan igı ısterın jariia etpegen. «Men aqşamdy qaiyrymdylyqqa jūmsaǧan kezde erekşe läzzat alamyn»,-deidı milliarderdıŋ özı.
Qarapaiym adam
Mesenat San-Fransiskodaǧy qarapaiym päterde ömır süredı. Onyŋ jeke kölıgı joq. Tanymaldylyqqa ūmtylmaityn käsıpker jurnalisterge nebärı 5 ret sūhbat bergen.
Millarder bar däuletın qaida jūmsady?
1982: Alǧaşqy qaiyrymdylyǧyn Kornell universitetınıŋ damuyna arnap, 7 million dollar audarǧan. Jalpy, universitet käsıpkerden 937 million dollar kölemınde kömek aldy.
1984: DFS-tegı özınıŋ 38,75% aksiialyq ülesın Atlantic qaiyrymdylyq qoryna audardy.
1988: Qaterlı ısıktı zertteitın ǧylymi institutqa 142 myŋ dollar qarjy böldı.
1990 jyl: Limerik universitetıne (İrlandiia) ǧylymi-zertteu jäne mädeni ortalyq salu üşın aqşa audardy. Jalpy alǧanda, käsıpker universitettıŋ damuyna 170 mln qūiǧan.
1999: Vetnam elınıŋ bılımı men medisinasynyŋ damuy üşın investisiia qūidy.
2001: Kvinslend universitetındegı (Avstraliia) biomedisinalyq zertteulerdı qarjylandyrdy. Ol medisina ǧalymdaryna barlyǧy 320 million dollar böldı.
2002: JİTS-pen küresu üşın Oŋtüstık Afrikanyŋ densaulyq saqtau salasyna milliarder bailyǧynan 117 millionnan astam dollar bölındı.
2004: AQŞ-ta ölım jazasyna tyiym salu nauqanyn bastady. Oǧan 28 million dollaryn jūmsady.
2006: Mındettı medisinalyq saqtandyru jüiesınde saqtandyrylmaǧan
8 million amerikandyq balaǧa kömektestı.
2008: Kaliforniia universitetıne medisinalyq ortalyq salu üşın 125 million dollar audardy.
2012: Ruzvelt aralynynyŋ maŋyna jaŋa Kremnii alqabyn salu üşın 350 million dollar böldı.
2020: Qaiyrymdylyq qory jabyldy.
Diana ASAN,
«Adyrna» ūlttyq portaly
