Jerdı şeteldıkterge jalǧa bermeimız. Būl jer ata-babamyzdan amanat retınde qalǧan - «Auyl» partiiasy

Ortalyq kommunikasiialar qyzmetınde ötken brifingte «Auyl» HDPP ortalyq appartynyŋ jetekşısı Quanyş Seitjanov saiasi ūiymnyŋ jer mäselesıne qatysty közqarasyn jetkızdı. Onyŋ aituynşa, qoǧamdy alaŋdatyp jürgen būl mäsele naryqtyq prinsipter engızılgelı 1992 jyldan berı köterılıp jür. Sodan berı türlı közqarastar aitylyp, pıkırtalastar bolyp jatyr. «Jer degende qazaqtyŋ mädenietıne qaişy qanşama sözder, közqarastar bar. Būl jerdı ata-babamyz bügıngı azamattarymyzǧa amanat retınde tapsyryp kettı. Qanşama qantögıs bolyp, jaularmen soǧysyp otyryp, soiylmen, şoqparmen jerdı alyp qalǧanda, ony bıreuge satuǧa, jalǧa beruge eşqandai qūqyǧymyz joq», - dedı partiia ökılı. Tıptı ata-babamyzdyŋ aldynda da, keleşek ūrpaqtyŋ aldynda da bız būǧan bara almaimyz. Spiker būl mäselenıŋ äleumettık-ekonomikalyq maŋyzy zor ekendıgın atap öttı. Memleket basşysy biylǧy Joldauynda osy mäselege nükte qoidy.