Elordalyq stýdentter Aral teńizin 363 keli qoqystan tazartty. Olar balyqshylardan qalǵan plastıkalyq aýlardy teńiz túbinen «Zákir mysyq» dep atalatyn arnaıy qurylǵymen alyp shyqqan. KAZGUU Ýnıversıteti belsendi jastarynyń bul jobasy Qazaqstannyń áleýmettik kásipkerler festıvalinde erekshe atalyp ótildi.
«Biz álemdi jaqsartqymyz keledi jáne qazirgi ekologııalyq problemalardy sheshýde kreatıvti tásilder usynyp júrmiz. Memleket Basshysy Qasym-Jomart Toqaev belgilegendeı, elimizge volonterlik qozǵalys kerek. Aral teńizi máselesi bizdiń zamanymyzdyń eń mańyzdy ekologııalyq problemalarynyń biri. Alǵashqyda Aral teńiziniń tartylǵanyn biletin biraq, óz kózimen kórmegen komanda músheleri boldy. Bárimiz jergilikti halqymen tanysyp, teńizdi jaqynnan kórgende erekshe áser aldyq»,- dep atap ótti komanda kapıtany Dınara Keýlimjanova.
Aral qalasynyń turǵyndaryn qoldaý maqsatynda jastar taǵy bir joba usynǵan bolatyn. Ol úılerdi jylytýǵa arnalǵan otyn brıketteriniń óndirisi. Brıketter úshin Aral teńizi mańyndaǵy qamysty paıdalanǵan eken. «Ekologııalyq otyn túri kómirqyshqyl gazyn bólmeıdi. Kómirmen salystyrǵanda, uzaq janyp, kúli ǵana qalyp qoıady jáne baǵasy da arzandaý»,- deıdi Dınara Keýlimjanova.
Stýdentter bul ıgi istermen shektelgen joq. Forýmdar men konferenııalardan qalǵan eski bannerlerge ekinshi ómir syılap otyr. Kereksiz bannerlerden Araldyq balyqshylar úshin sapaly aljapqysh tigý jumysyn jolǵa qoıdy. Nátıjesinde «Analar úıindegi» áıelder jumyspen qamtyldy.
Enactus KAZGUU komandasynyń keısteri BUU Turaqty damý salasyndaǵy maqsattaryn júzege asyrý jónindegi Qazaqstannyń Birinshi erikti ulttyq esebine engizildi. Bul esep Nıý-Iork qalasynda BUU Saıası forýmynda tyńdaldy.
Enactus áriptesteri 550 iri halyqaralyq jáne ulttyq kompanııalar: Microsoft, PepsiSo, Cargill, HP, Bayer, Johnson & Johnson, EY, Dell, HSBC, Nestle, DHL, Pfizer, SAP jáne t.b.. Áriptes kompanııalar Enactus-ty ózderiniń bıznes-mindetterin sheshý, sondaı-aq áleýmettik jaýapkershilik baǵdarlamalaryn júzege asyrý úshin paıdalanady. Enactus Dırektorlar keńesine Unilever, Coca-Cola, KPMG, Walmart, Ford, AIG, Tata-Motors, Cargill, American Greetings, Rich Products, Hershey sekildi iri kompanııalardyń top-menedjerleri kiredi.
M.S. Nárikbaev atyndaǵy KAZGIýÝ Ýnıversıtetiniń Baspasóz qyzmeti
