Gorbachev: KSRO qulamaǵanda...

4580
Adyrna.kz Telegram

KSRO-nyń birinshi prezıdenti Mıhaıl Gorbachev brıtanııalyq The Times gazetine taıaýda bergen suhbatynda: Keńes Odaǵy qulamaǵanda, álem ádiletti, qaýipsiz jáne turaqty bolar edi, - dep aıtqan.

Ol KSRO-nyń qulaýyn qalamaǵanyn, biraq radıkaldar men separatıster 1991 jyly sátsiz tóńkeristen keıin saldary týraly oılamaı-aq odaqtyń ómirin aıaqtaǵanyn da atap ótken.

Sondaı-aq: «Eger Odaq saqtalsa, álemniń jaǵdaıy qalaı bolar edi? Tarıh negizgi oqıǵany bilmeıdi. Meniń oıymsha, álemniń jaǵdaıy jaqsy bolyp, turaqtylyq, qaýipsizdik, ádilet saqtalatyn, - dep qosqan.

Gorbachev sonymen birge eldiń kúıreýine qaıta qurý saıasaty áser etpegenine senimdi ekenin bildirgen. Ol óziniń reformalardy kesheýildetý, ortalyqsyzdandyrý men álsiz ekonomıkalyq saıasat saldarynan birqatar qatelikterge jol bergenin moıyndap, sonyń saldarynan KSRO qulady dep sanaıtynyn da aıtqan.

Burynǵy saıasatker bıliktegi basty jetistikteriniń biri retinde qyrǵı qabaq soǵysty toqtatqanyn, ıadrolyq qarýsyzdaný týraly kelisim jasaýdy, elden ketý bostandyǵyn jáne sóz bostandyǵyna shekteý qoımaǵanyn ataǵan.

Suhbat barysynda burynǵy Keńes lıderi RF-nyń qazirgi prezıdenti V. Pýtınge eldiń qazirgi jaǵdaıyna baılanysty keńesin bergen. Ol álemde alańdatarlyq jaǵdaı týyndaǵanyn jáne jańa qarý jarysynyń qaýpi óte joǵary ekenin atap ótken. Álemniń turaqtylyǵy úshin ol Máskeý men Vashıngton arasyndaǵy dıalogty qajet dep sanaıdy.

Foto ashyq derekkózden alyndy

«Adyrna» ulttyq portaly

Pikirler