Endı nesienı üide otyryp ala beresız

Qazaqstan Ūlttyq bankı 1 qazannan bastap qarjylyq qyzmetterdı qaşyqtan alu üşın biometriialyq säikestendıru servisın paidalanady, dep habarlaidy «Adyrna» ūlttyq portaly  Stan.kz aqparat agenttıgıne sılteme jasap.  Būl servis "bet-älpettı tanu" tehnologiiasy arqyly qarjylyq qyzmettı qaşyqtan alu mümkındıgın közdeidı. Iаǧni qarjy ūiymyna barudyŋ qajetı joq. Klientterge bank şottary men depozitterdı aşu, tölem kartochkalaryn şyǧaru, kreditteu siiaqty qyzmet türlerı körsetıledı. "Qaşyqtan biometriialyq säikestendırudı engızu älemdegı kürdelı epidemiologiialyq jaǧdaidyŋ aiasynda jaŋa qauıp-qaterlerge jauap beredı. Servistı qarjy qoǧamdastyǧynyŋ paidalanuy halyqqa qaşyqtan körsetu täsılımen ūsynylatyn qyzmetter tızımın keŋeitedı", - dedı QR Ūlttyq bankı töraǧasynyŋ orynbasary Esjan Bırtanov. Atap ötılgendei, atalmyş servis bankterge, saqtandyru kompaniialaryna, baǧaly qaǧazdar naryǧynyŋ käsıbi qatysuşylaryna, tölem jäne mikroqarjy ūiymdaryna qoljetımdı. "Servistı Ūlttyq bank qarjy naryǧyna qatysuşylarmen bırlesıp äzırledı. Jüie aǧymdaǧy jylǧy säuırde pilottyq rejimdı ıske qosyldy. Osy uaqyt ışınde servis ekınşı deŋgeidegı 11 bankke halyqqa 2,8 mln bank qyzmetın körsetuge mümkındık berdı. QR Ūlttyq bankı ıske asyratyn qaşyqtan säikestendıru tetıgı Qazaqstannyŋ qarjy sektoryn sifrlandyru jolyndaǧy taǧy bır qadam bolyp tabylady. SDAO servisıne qosyluǧa müddelı bolǧan jaǧdaida, qarjy naryǧyna qatysuşylar +7-7272-50-66-26 telefony boiynşa QBEO-ǧa ötınış bere alady", - delıngen Ūlttyq bank aqparatynda. Foto aşyq derekközden alyndy.