Bügın Şymkent qalalyq Käsıpkerlık jäne industrialy-innovasiialyq damu basqarmasynyŋ basşysy Bereke Düisebekov Qazaqstanda Oŋtüstık Koreia tehnologiiasyn qoldanatyn «MegaSmart» jihaz kompaniiasynyŋ jūmysymen tanysty.
Qaladaǧy «Tassai» industrialdy aimaǧynda jyltyr MDP plitalary men jihaz öndıretın «MegaSmart» kompaniiasy Oŋtüstık Koreia tehnologiiasyn qoldanyp, 3D jyltyr taqtalaryn şyǧarady. Zauyttyŋ jalpy qūny 545 mln teŋgenı qūraidy. Jalpy, 69 jūmys orny qūrylǧan.
Oǧan qosa zauyttyŋ jihaz şyǧaratyn sehy da ıske qosylǧan. Sehtyŋ jobalyq quattylyǧy jylyna 5000-nan astam jiyntyqty qūraidy. Būl jobany ıske asyru Oŋtüstık Koreiadan Qazaqstanǧa äkelınetın jyltyr taqtalardy tolyǧymen importtauǧa mümkındık beredı. Iаǧni, elımızde käsıporyndaǧy jihaz öndırısı 90 paiyz ülestı qamtyp otyr.
Kompaniia ökılderınıŋ sözınşe, zauytta şyǧarylatyn önım naryqta joǧary sūranysqa ie. Aldaǧy uaqytta ırı käsıpkerlık subektılerdıŋ bırı retınde Özbekstan, Qyrǧyzstan, Täjıkstan syndy şet memleketterge jyltyr plitalardy jetkızuge kelısım-şartqa otyryp, Resei memleketıne öndırılıp jatqan önımdı eksporttau josparda bar.
Aita keteiık, kompaniianyŋ Almaty, Qyzylorda, Qostanai jäne Pavlodar qalalarynda ökıldıgı bar. Jalpy, Qazaqstan boiynşa 16 ökıldıktı qūru josparǧa qoiylǧan.
Şymkent aqparattyq-kommunikasiialyq ortalyǧy
