Elbasy Qazaqstandaǧy äzerbaijan men armian diasporalarynyŋ Tauly Qarabahtaǧy äskeri ıs-äreketterdı toqtatu jönındegı bırlesken ündeuın qoldady, dep habarlaidy "Adyrna" ūlttyq portaly.
Qazaqstan halqy Assambleiasynyŋ töraǧasy Nūrsūltan Nazarbaev Janseiıt Tüimebaevty qabyldady. Kezdesude Nūrsūltan Nazarbaevqa Qazaqstan halqy Assambleiasy men öŋırlerdegı Dostyq üilerınıŋ qazırgı qyzmetı jaily aqparat berıldı.
"Elbasy Qazaqstandaǧy äzerbaijan men armian diasporalarynyŋ Tauly Qarabahtaǧy äskeri ıs-äreketterdı toqtatu jönındegı bırlesken ündeuın qoldady. Qazaqstannyŋ Tūŋǧyş Prezidentı qaqtyǧystyŋ uşyǧuyna alaŋdauşylyq bıldırıp, Qazaqstan üşın dos memleketter arasynda kelıssözderdı bastaudyŋ maŋyzdylyǧyn atap öttı. Būl öŋırdegı jaǧdaidy tezırek tūraqtandyruǧa septıgın tigızedı,"- delıngen Elbasy saitynda.Qazaqstan halqy Assambleiasynyŋ Töraǧasy täuelsızdık alǧan künnen bastap halyqtyŋ bırlıgı, qoǧamdaǧy tūraqtylyq pen kelısım elımızdıŋ basty qūndylyǧy bolǧanyn aitty. Osy oraida biyl 25 jyldyǧyn atap ötıp jatqan Qazaqstan halqy Assambleiasynyŋ airyqşa rölıne toqtaldy. Öz kezegınde Qazaqstan halqy Assambleiasy Töraǧasynyŋ orynbasary J.Tüimebaev Elbasyna etnosaralyq qatynastar salasyndaǧy memlekettık basqarudy reformalaudyŋ jäne taldau jūmystarynyŋ nätijelerı turaly baiandady. Äleumettık zertteulerdıŋ soŋǧy mälımetterıne säikes, Qazaqstan halqynyŋ 92,4 paiyzy etnosaralyq ahualdy qolaily jäne tūraqty dep baǧalaǧan, al 89,2 paiyzy memlekettıŋ eldegı etnosaralyq kelısımdı saqtau jönındegı ıs-äreketterın qoldap otyr. Sonymen qatar Nūrsūltan Nazarbaevqa Qazaqstan Respublikasy Konstitusiiasy men Qazaqstan halqy Assambleiasynyŋ 25 jyldyǧyn ūiymdastyru jäne ötkızu jönındegı Ūlttyq ıs-şaralar josparynyŋ ıske asyryluy, Qazaqstan halqy Assambleiasynyŋ 2025 jylǧa deiıngı damu tūjyrymdamasyn ıske asyru kezeŋderı men pandemiia kezınde ūiymdastyrylǧan qaiyrymdylyq jūmystar turaly aqparat berıldı. Kezdesu soŋynda Qazaqstan halqy Assambleiasynyŋ Töraǧasy bırqatar naqty tapsyrma berdı.
