Pilottyq jobany engızu turaly

Aǧymdaǧy jylǧy 2 qazanda Bas prokuraturada Qazaqstan Respublikasy Prezidentı Äkımşılıgınıŋ Basşysy Erlan Qoşanovtyŋ, Prezidenttıŋ kömekşısı – Qauıpsızdık Keŋesınıŋ Hatşysy Äset İsekeşevtıŋ qatysuymen Memleket basşysynyŋ 2020 jylǧy 1 qyrküiektegı «Jaŋa jaǧdaidaǧy Qazaqstan: ıs-qimyl kezeŋı» Joldauynda berılgen tapsyrmalardy oryndau aiasynda jüzege asyrylyp jatqan pilottyq jobanyŋ tanystyrylymy öttı. Is-şaraǧa qūqyq qorǧau organdarynyŋ basşylary, sondai-aq qūqyq qorǧau jüiesın reformalau jönındegı jūmys tobynyŋ müşelerı qatysty. Polisiia tergeuşısı men prokuror pilottyq jobanyŋ täjıribede qoldanyluyn körsettı. Pilot adam qūqyqtary men bostandyqtaryna qatysty sotqa deiıngı tergep-tekseru organdarynyŋ negızgı şeşımderın kelısu boiynşa prokurordyŋ özıne jüktelgen mındetterın oryndaudyŋ elektrondyq formatyn közdeidı. Osyǧan deiın ekı öŋırde - Pavlodar jäne Şyǧys Qazaqstan oblystarynda pilottyq joba synaqtan ötkızıldı. 1 qazannan bastap joba respublikanyŋ barlyq aimaǧynda ıske qosyldy. Jobanyŋ mänı tergeuşınıŋ ıs-ärekettı saralau, qaita saralau, sondai-aq tergeudı toqtatu turaly şeşımın sotqa deiıngı tergep-tekserudıŋ bıryŋǧai tızılımınde elektrondyq türde qalyptastyruda bolyp tabylady. Prokuror onlain rejimınde olardyŋ zaŋdylyǧyn belgılengen merzımde tekseruge, būzuşylyqtar anyqtalǧan jaǧdaida den qoiu şaralaryn qabyldauǧa mındettı. Mūndai model ıs jürgızu qūjattaryn daiyndau uaqytyn jäne tergeu merzımderın qysqartady. Būdan basqa, qylmystyq proseske qatysuşylarǧa qabyldanǧan prosestık şeşımderdı qaşyqtan qadaǧalauǧa, kelıspegen jaǧdailarda olarǧa uaqtyly şaǧym jasauǧa mümkındık berıledı. Bas Prokuror būl jaŋalyqtar aldyn ala prokurorlyq qadaǧalaudy qamtamasyz etuge jäne adal azamattardyŋ qylmystyq qudalau şeŋberıne tartyluyn boldyrmauǧa baǧyttalǧanyn atap öttı. Kezdesu qorytyndysy boiynşa Erlan Qoşanov atqarylyp jatqan jūmystardyŋ maŋyzdylyǧyn atap ötıp, aǧymdaǧy jyldyŋ soŋyna deiın Jobany synaqtan ötkızudı aiaqtaudy, normativtık-qūqyqtyq bazany daiyndaudy jäne 2021 jylǧy 1 qaŋtardan bastap Memleket basşysynyŋ Qazaqstan halqyna Joldauynda körsetılgen tapsyrmalaryn ıske asyruǧa kırısudı tapsyrdy.