Bügın «Nur Otan» partiiasy Aqtöbe oblystyq filialy töraǧasy, oblys äkımı Oŋdasyn Orazalin praimerizge qatysqan kandidattarmen kezdestı. Partiiaışılık sailauǧa belsendı atsalysqandary üşın olarǧa alǧys bıldırıp, alǧys hattarmen marapattady.
- Özderıŋız jaqsy bılesızder, qoǧam özgerıp, ömırımızge kün saiyn bır jaŋalyq engızılıp keledı. Mūndai formattaǧy partiiaışılık ırıkteu elımızde alǧaş ret ötkızılıp otyr. Saiasi jaŋaşyldyq halyq tarapynan ülken qyzyǧuşylyq tudyryp, el tūrǧyndary dauys berude belsendılık tanytty. Aqtöbelık kandidattar da el aldynda özderınıŋ baǧdarlamalaryn tanystyryp, memleketımızdıŋ damuyna müddelı, jıgerlı, bılımdı ärı belsendı azamattar ekendıkterın körsettı. Tırkelgen ümıtkerler ügıt-nasihat jūmystaryn aşyq ärı belsendı jürgızdı. Būl «Nur Otan» partiiasynyŋ Töraǧasy, Elbasynyŋ bastamasymen köterılgen jaŋaşyldyqqa jäne partiia tarapynan atqarylyp jatqan jūmystarǧa halyqtyŋ zor senımınıŋ odan ärı artqanyn bıldıredı, - dedı aimaq basşysy.
Jalpy, partiiaışılık sailauda Aqtöbe öŋırınen 460 kandidat baq synady. Olardyŋ 36,7 paiyzy – äielder, 28 paiyzy – 35 jasqa deiıngı jastar. Bastauyş partiia ūiymdarynan kandidattardyŋ 50,4 paiyzy ūsynylsa, 49,6 paiyzy– özın-özı ūsynǧandar.
Tırkelgen ümıtkerler ügıt-nasihat jūmystaryn belsendı jürgızdı. Olar partiialastarymen 6 myŋnan astam kezdesu ötkızıp, öz baǧdarlamalaryn ūsyndy. Onyŋ 642-sı onlain formatynda ūiymdastyryldy. 16 jerde ötken 87 jariia pıkırsaiysta türlı mäseleler köterılıp, oŋtaily şeşu joldary aityldy.
Respublika boiynşa dauys beruge 700 myŋǧa juyq partiia müşesı qatysqan. Onyŋ ışınde Aqtöbe oblysynan 27 myŋǧa juyǧy öz taŋdauyn jasady. Būl oblystaǧy partiia müşelerınıŋ 87 paiyzy.
Sailauşylardyŋ basym bölıgı, iaǧni 23,4 myŋ adam onlain dauys berdı. Al 3430 partiialyq dästürlı ädıstı paidalanyp, sailau uchaskelerıne keldı.
-Partiiaışılık sailauǧa belgılı tūlǧalar da, myqty käsıpkerler de, jalyndy jastar da qatysty. Soǧan qaramastan bızge bırdei jaǧdai jasaldy. Praimeriz halyq arasyndaǧy auqymdy mäselelermen tanysuǧa mümkındık berdı. Dauys beru aşyq ärı ädıl öttı, - dedı kandidat Jūldyz Qojabekova.
