Franııa prezıdenti Emmanýel Makron ıslamdyq separatızmmen kúresip, zaıyrly qoǵam qaǵıdattaryn qorǵaý úshin qatań zańdar qabyldaýǵa tyrysatynyn atap ótti, dep habarlaıdy «Adyrna» BBC News-ke silteme jasap.
Makronnyń aıtýynsha, Franııadaǵy musylman azshylyq ókilderi memleketke qarsy qoǵam qurýlary múmkin. Ol qaýiptiń aldyn alý maqsatynda mekteptegi oqý baǵdarlamasyn nazarda ustap, franýz meshitterin qarjylandyrýdy qatań baqylaýdy usyndy.
Buǵan deıin prezıdentten Franııadaǵy radıkaldy ıslamızm qaýpine qatysty ustanymyn naqtylaý talap etilgen edi. Alaıda, kóshbasshyny keıbir musylman belsendileri ıslam dininiń taralýyna kedergi keltirýde dep aıyptady.
Basshy musylmandar óz dininiń erejeleri men zańdaryn alǵa tartyp, parallel qoǵam qurýy múmkin degen pikirdi ustanady. Onyń aıtýynsha, mundaı sektanttyq keıde ata-analardyń balalaryn mektepke jiberýden bas tartýyna nemese olardy sporttyq sharalar men jarystarǵa qatysýyna jol bermeı, onyń ornyna respýblıka zańdaryna qaıshy keletin qaǵıdalardy úıretýine ákeletin kórinedi.
«Islam - bul bizdiń elimizde ǵana emes, búkil álemde daǵdarysty bastan ótkerip jatqan din», - dedi Franııa prezıdenti.
Makronnyń málimdemeleri ıslam dinine qarsy saıasatkerlerdi belsendirdi
Emmanýel Makronnyń «ıslamdyq separatızm» týraly málimdemeleri eldegi radıkaldy saıasatkerlerdiń belsendiligin týdyrdy. Parıjdegi Il-de-Frans aımaqtyq keńesiniń jetekshisi Valerı Pekres jolaýshylar kartasynda bas kıimmen túsken fotosýretterdi qoldanýǵa tyıym salýdy talap etti. Ol osyndaı ótinishpen ishki ister mınıstri Jerar Darmanenge hat joldady. Pekrestiń pikirinshe, bul zań eldegi barlyq jolaýshylarǵa qoldanylýy kerek.
Il-de-Frans aımaǵy keńesiniń basshysy mundaı shekteý qazirdiń ózinde astanalyq oblysta kúshinde ekenin atap ótti.
Esterińizge sala keteıik, 2 qazanda Franııa prezıdenti Emmanýel Makron «ıslamdyq separatızmge» qarsy kúres týraly zań jobasy daıyndalǵanyn habarlaǵan edi. Ol usynǵan jańa sharalar jyl sońyna deıin parlamenttiń talqylaýyna shyǵarylatyn bolady.
«Adyrna» ulttyq portaly
