Zaiyrly qoǧamda ömır süretın adamdar da bar ekenın ūmytpau kerek

Ūlttyq arnaǧa Mūhamedjan Tazabekov kelgelı qoǧam belsendılerınıŋ oǧan qarsylyǧy küşeie tüsude. Solardyŋ bırı Tortuyl Şoqan da Ūlttyq arnadan dınderdı uaǧyzdauǧa qarsy ekendıgın aityp, öz pıkırın ortaǧa saldy.   "Memlekettık jäne oǧan teŋestırılgen qyzmettegı adamdar, öz dıni ūstanymyna qatysty atributtar men jön-joralǧysyn intimdı (jariiasyz) ūstauy tiıs! Osyǧan qatysty zaŋdarǧa tolyqtyrular men tüzetuler engızıluı tiıs dep sanaimyn!   Ūlttyq arnadan islam t.b. dınderdı uaǧyzdauǧa qarsymyn!   Köpşılıkke qyzmet körsetetın oryndarda «oranyp alǧandardyŋ» qyzmet körsetuıne qarsymyn!   QR ata zaŋynda jazylǧan «Qazaqstan — zaiyrly memleket!» qaǧidasyn oryndai ömır süreiık!   Senım-nanym — adamnyŋ ışkı jan-düniesınde, jüregınde boluy şart!   Qūrandy oqyp täfsırlegen adam retınde aitaiyn:  ol jerde, öz dıni nanymdary men şarttaryn oryndau üşın, jergılıktı jer zaŋy keibır baptaryn haramǧa şyǧaratyn aiattar bar!   Qatary köbeise tübı täuelsızdıgımızden aiyratyn erekşe aǧym būl!   VII ǧasyrda bytyraŋqy jahil araptardyŋ basyn qosyp äsker jasap, basqa elderdı jaulap alyp basqaru strategiiasy!   Ägäräki Allah bar bolsa, ol öz qūldarynyŋ trofei (basqynşylyqtan tüsken olja) turasynda aitqyzbas edı. Bırınen ekınşısın üstem etpes edı!   Mysaly,  « soǧystan tüsken oljanyŋ 1/3-ı (üşten bırı – red)  Allah pen onyŋ elşısı Mūhamedke tiesılı..» —degen aiat bar.  Allah düniia ısıne mūqtaj bolmasa ol trofeidıŋ 1/3 bölıgıne nege auyz salǧan?   Demek, būl aiattyŋ iesı anau aitqan qūdai emes, özın qūdai ornyna qoiyp alǧan pende Mūhammedtıŋ ısı emes pe?!   Qoş, bızdıŋ elde islam dının uaǧyzdau — XIV ǧasyrdan berı  qūdaidan bır ret te mūǧjiza körmegen, bıraq bilıkten ümıtı bar bır top müddesı!   Olarǧa qosymşa qalasa da, qalamasa da qyzmet körsetıp otyrǧan ortaŋqol şeneuıkter bar!   Al islam dınındegı qalyŋ būharany ol top, bar bilıktı basyp aluǧa paidalanudy közdeidı!   Qūrandy bır ret te oqymaǧan, äuelı «täube» «şükır» sözderın rettı qoldanudy bılmeitın nadan topqa aitarym mynau: Pıkır jazbas būryn qūrandy oqy. Oǧan sauatyŋ jetpese — qūran täfsırlegen adamdar jazbasyn oqy da, oi tüi! «Namazyŋdy üiıŋde nege oqisyŋ?» dep ūrynatyn adam joq.   Zaiyrly qoǧamda ömır sürgısı keletın basqa da adamdar bar ekenın ūmytpaǧandaryŋ abzal!   Aitpaqşy, Ūlttyq arnadan islam dının nasihatyna uaqyt bergen QR Aqparat jäne qoǧamdyq damu ministırı A.Balaevanyŋ jūrt aldynda «baly» tüstı!   Oǧan onyŋ «qyly da qisaimaitynyn» ol da, bız de tüsınıp otyrmyz!   Ūlt damuyna kedergı bolatyn proektıge jol berıp jūmys ıstegenşenşe  -   üide jūmyssyz jatyp ölgen jaqsy!", - dep tüiındedı Tortuyl Şoqan.