Būl turaly bügın aqparattyq-kommunikasiialyq ortalyǧynda ötken brifingte Şymkent qalasy Qaratau audany äkımınıŋ mındetın atqaruşysy Azamat Parmanov mälımdedı.
– Audan aumaǧyndaǧy 416 köp qabatty tūrǧyn üi aumaǧynda 65 qoqys alaŋşasynda 200 konteiner ornatylǧan. Bügınde ol konteinerlerdıŋ tozyǧy jetken. Atalǧan konteinerlerdı talapqa säikestendıru boiynşa audandyq jäne qalalyq prokuratura tarapynan bırneşe ūsynystar tüstı. Osyǧan orai qoqys alaŋşalary ornalasqan jer telımderıne memlekettık aktıler räsımdeuge qarajat qaralyp, «KazProekt» JŞS-ı tarapynan jer telımın zaŋdastyru jūmystary jürgızılude. Oǧan qosa jaŋa zamanaui konteinerler alu maqsatynda biudjetten qarjy bölınıp, «Kaz-kurylys Service» JŞS-ı tarapynan 226 dana konteiner alyndy, – dedı Azamat Būharbaiūly.
Spikerdıŋ sözınşe, qazırgı taŋda «Green Line» mekemesı tarapynan Qaratau audanyndaǧy köp qabatty üilerdıŋ aulasyndaǧy kül-qoqys jäşıkterınıŋ qorşaularyn jaŋartu jūmystary atqaryluda. Nätijesınde, jyl soŋyna deiın 65 qoqys alaŋşasy jaŋartylady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz