Elımızde mektepterdı ştattyq rejimge auystyru mäselesı qarastyrylyp jatyr. Būl turaly premer-ministr Asqar Mamin ükımet saitynda jariialanǧan mäjılıs deputattarynyŋ saualyna bergen jauabynda aitty, dep habarlaidy «Adyrna» ūlttyq portaly.
«Memleket basşysynyŋ tapsyrmasy boiynşa qazırgı taŋda salalyq memlekettık organdar dästürlı bılım beru formasyna oralu jäne kezeŋ-kezeŋmen jeŋıldetu mäselelerın pysyqtap jatyr»,-dep mälımdedı Mamin.Premer-ministr qaşyqtan oqytudy engızu elde oryn alǧan epidemiologiialyq jaǧdaiǧa bailanysty ekenın atap öttı.
«DDŪ keltırgen mälımetterge säikes, 12 jastan asqan balalar koronavirustyŋ taraluynda belsendı röl atqarady. 2020 jyldyŋ 4 qazany boiynşa oquşylar arasynda koronavirustyq infeksiianyŋ 136 jaǧdaiy tırkelgen bolatyn. Olardyŋ 51-ı kezekşı synyptardyŋ oquşylary bolsa, 85-ı qaşyqtan bılım alyp jürgender»,-dep sözın qorytyndylady ol.Statistikalyq mälımetterge süienetın bolsaq, biyl respublika boiynşa 3,4 million bala mektepke bardy. Qazırgı taŋda olardyŋ 2 613 428-ı qaşyqtan bılım aluda.
«Adyrna» ūlttyq portaly
